Charter Document - 05290046
| Charter Number: | 05290046 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1273 - 1274 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo septuagesimo tertio mense martij ego Johannes Pelerins filius quondam Jacobi Pelerin defuncti de Diuione notum facio uniuersis presentes litteras inspecturis quod ego pro utilitate et necessitate mea et sororum mearum Agnelot et Monete sponte et prouide uendidi concessi et quittaui in hereditatem perpetuam nomine meo et sororum mearum predictarum uiris religiosis abbati et conuentui Sancti Stephani Diuionensis nomine suo et ecclesie sue tria sextaria uini annui redditus que debent Uionetus Raous Haymoninus li Martinoz et li Pontreaul super mansos et uineas suas de Coycheio item et quicquid Bertrandus Pelerins auus meus unquam habuit et habere potuit et debuit quoquo modo in uilla et finagio de Coycheio uidelicet in hominibus mansis censibus et rebus aliis quibuscumque excepto Johanne le Boerat et rebus suis ac censibus quos debet et una placenta de una quarteranchia et uno calatho pleno cerasis pretio quatuor librarum Diuionensium de quibus a dictis abbate et conuentu plenam perfectam et integram solutionem habui et recepi in pecunia numerata Qua propter de preditis omnibus uenditis me penitus deuestiui nomine meo et sororum mearum predictarum et dictos abbatem et conuentum pro se et ecclesia sua predicta corporaliter innestiui promittens per sacramentum meum pro me et dictis sororibus meis ac nostris heredibus quos ad hoc obligo prestitum super sancta Dei euangelia corporale predicta omnia in hac uenditione contenta memoratis abbati et conuentui et eorum ecclesie supradicte perpetuo garantire pacifice contra omnes et in me pro eis semper et ubique locorum in omni curia contra personas omnes litis bonus suscipere et propriis sumptibus respondere quam cito et quotiens super hoc fuero requisitus et eos dictamque eorum ecclesiam indempnes quo ad hoc modis omnibus obseruare et facere et prestare quicquid in causa euictionis debet fieri et prestari si qui forte calumniatores mihi apparerent quod absit et in nullo de cetero per me uel per alios contraire uerbo uel facto seu consensu aut modo alio qualicumque pro quibus omnibus garantizandis obligaui in manu dictorum abbatis et conuentus domum quamdam sitam Dyuione que fuit Hugonini de Claustro iuxta domum mei Johannis predicti ex una parte et iuxta domum domine Ode ex altera insuper in omnia bona mobilia et immobilia presentia et futura Renunciaui etiam in hoc facto specialiter et expressa exceptioni dicte uenditionis legitime non facte et dicti pretii non habiti non soluti ac deceptionis ultra dimidium iusti pretii fori priuilegio beneficio restitutionis in integrum et omnibus priuilegiis et beneficiis quibuscumque universisque actionibus exceptionibus et allegationibus iuris et facti que contra tenorem presentium litterarum possent obici seu dici uolens me compelli ad predictam garantiam ferendam tanquam ex re adiudicata per curiam domini ducis Burgundie cuius iuridictioni quo ad hoc me suppono et meos heredes et omnia bona mea In quorum testimonium litteris istis sigillum predicte curie supplicaui et obtinui apponi Actum anno et mense predictis