Charter Document - 05290043
| Charter Number: | 05290043 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1273 - 1274 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo septuagesimo tertio mense januario nos Naalettus Borrelarius et Johanna liberi quondam Theobaldi Clerici ego Osanna filia Guillelmi fratris dicti Naaletti et ego Mariotta filia Emeline dicte Bele sororis dicti Naaletti notum facimus omnibus presentes litteras inspecturis quod cum discordia uerteretur inter nos ex una parte et uiros uenerabiles et religiosos abbatem et conuentum Sancti Stephani Diuionensis ex altera super quodam manso sito Diuioni in uico Chaneriorum intra domum que fuit Angenini Clerici ex una parte et domum Girardi dicti lou Noir ex altera quod mansum predictum petebamus dictis abbate et conuentu se opponentibus et contradicentibus omnino tandem bonis uiris mediantibus dicta discordia pacificata amicabiliter extitit in hunc modum uidelicet quod nos pro nobis et nostris heredibus dictum mansum et quicquid in eo iuris et rationis unquam habere uel reclamare potuimus uel debuimus dictis abbati et conuentui quittauimus in perpetuum pro omni uoluntate eorum de cetero facienda promittentes quilibet in solidum et pro toto sub expressa obligatione bonorum nostrorum omnium mobilium et immobilium presentium et futurorum ubicumque existentium et per sacramentum nostrum pro nobis et nostris heredibus quos ad hoc obligamus prestitum super sancta Dei euangelia corporale dictum mansum garantire dictis abbati et conuentui et eorum successoribus perpetuo contra omnes et nos pro eis semper ubique locorum omni curia contra personas omnes opponere propter hoc et respondere propriis sumptibus et bonus litis in nos pro eis suscipere quam cito et quotienscumque super hoc uocati fuerimus sine diebus et indutiis exigendis et eos inde conseruare modis omnibus indempnes si qui contra uenire uolentes apparerent quod absit et in nullo contra ire de cetero per nos uel per alios tacite uel expresse Dicti autem abbas et conuentus propter hoc et pro bono pacis nobis dederunt numerauerunt et soluerunt centum solidos Diuionnensium nouorum fortium de quibus nos tenemus pro pagatis Renuntiantes in hoc facto exceptioni dicte pecunie non recepte et integre non habite exceptioni doli in factum et circumuentionis in aliquo omni auxilio iuris canonici et ciuilis et consuetudinis et facti omnibus iuribus in fauorem mulierum introductis et omnibus que contra presens instrumentum uel factum possent obici seu dici et iuri dicenti generalem renuntiationem non ualere et uolumus quod ad predicta tenenda compellamur sicuti ex re adiudicata per curiam ducis Burgundie et per archidiaconum Diuionensem quorum iurisdictionibus quod ad ea nos et nostros heredes supponimus In cuius rei testimonium litteris presentibus sigillum dicte curie et sigillum uiri uenerabilis domini Anxerici archidiaconi Diuionensis in ecclesia Lingonense supplicauimus et obtinuimus apponi Actum anno et mense predictis