Charter Document - 05290037

In nomine Domini amen Anno Incarnationis eiusdem millesimo ducentesimo septuagesimo tertio mense septembri die lune proxima ante festum Natiuitatis Beate Marie Uirginis ego Guillelma domina de Uaillans uidua et in mea libera potestate notum facio omnibus presentes litteras inspecturis quod ego prouida deliberatione non in aliquo circonuenta pro utilitate mea uendidi concessi et quittaui in hereditatem perpetuam uiris uenerabilibus abbati et conuentui Sancti Stephani Diuionensis Johannem Errot Robertum filium Perrini et Joanem filium Eschare homines meos et mansum predicti Joannis Errot situm apud Maigneium super Tiliam super mansum Simonis dicti Ludet et unam petiam prati sitam in loco ubi dicitur en Recordame iuxta pratum Perrini Billebaut et sex petias terre arabilis quarum una continens dimidium jornale sita est in loco ubi dicitur Alabanne iuxta terram dicti Simonis dicti Judei alia continens circiter dimidium jornale sita est in loco ubi dicitur en Mannans iuxta terram eiusdem Simonis alia continens circiter dimidium jornale sita est in loco ubi dicitur a la Chapelle iuxta terram ipsius Simonis alia continens circiter dimidium jornale sita est in loco ubi dicitur a la Crae iuxta terram eiusdem Simonis alia continens circiter dimidium jornale sita est ad Fontem iuxta terram eiusdem Simonis et alia continens circiter dimidium jornale sita est ex Aliex iuxta terram eiusdem Simonis Item mansum dictorum Roberti et Joannis filii Eschare situm iuxta mansum Joannis de Lampone maioris et unum essartum circiter duas secturas continens situm super pratum fratrum de Quarterio et sex petias terre arabilis sitas in territorio de Maigneio quarum una sita est ad Rubeum Salutem iuxta terram Guarnerii que petia unum jornale continet alia continens unum jornale sita est es Recheus iuxta terram liberorum Chabbarolle alia continens unum jornale sita est au Montaut iuxta terram Barole alia en la Mair iuxta terram Emeniardis la Uiennotte alia en Champelois iuxta terram liberorum maioris de Lampone et alia iuxta aquam iuxta terram Meignotti pretio uidelicet uiginti librarum Turonensium de quibus a dictis abbati et conuentui recepi et habui solutionem integram in pecunia numerata et propter hoc de predictis hominibus et tenementis eorum predictis et de omni eo quod habeo et habere possum et debeo in uilla et territoriis ac pertinentiis de Maigneio in omnibus reditibus exitibus bonis et comodis quibuscumque que similiter eisdem abbati et conuentui uendidi et quittaui in hereditatem perpetuam ego me penitus deuestiens et dictos abbatem et conuentum corporaliter inuestiui et in uerum dominium et possessionem corporalem ueram et perpetuam induxi nihil in predictis seu in uilla ac territoriis ac finagiis uille de Maigneio penitus retinendo asserens per sacramentum meum prestitum super sancta Dei euangelia corporale esse mihi super predictis uniuersis et singulis plenarie satisfactum et eadem omnia et singula me tenere de proprio et libero allodio et me in predictis hominibus heredibus et hereditatibus eorum et in omnibus in presenti uenditioni uenientibus habere iustitiam magnam et paruam dominium plenum et liberum et iuridictionem omnimodam promittens sub expressa obligatione bonorum omnium meorum mobilium et immobilium presentium et futurorum ubicumque existentium et per sacramentum meum pro me et heredibus meis quos ad hoc obligo prestitum super sancta Dei euangelia corporale supra dicta omnia et singula garantire in allodium liberum dictis abbati et conuentui et eorum successoribus perpetuo contra omnes et me pro eis semper ubique locorum et in omni curia contra personas omnes oponere propter hoc et respondere propriis sumptibus et onus litis in me pro eis suscipere quam cito et quotiescumque super hoc uocata fuero sine diebus et indutiis exigendis et eos inde conseruare modis omnibus indemnes si qui contrauenire uolentes apparerent quod absit et in nullo contrauenire de cetero per me uel per alium uerbo uel facto seu consensu uel iure seu consuetudine uel modo alio qualicumque Renuntians in hoc facto sub uirtute prestiti iuramenti exceptioni dicti pretii integre non habiti exceptioni minoris pretii exceptioni doli in factum et circonuentionis in aliquo omni auxilio iuris canonici et ciuilis et consuetudinis et facti omnibus iuribus in fauorem mulierum introductis et omnibus que contra presens instrumentum uel factum obici seu dici et iuri dicenti generalem renuntiationem non ualere et nos Erros Robertus et Joanes filius Eschare predicti asserimus sub uirtute prestiti iuramenti nos esse homines explectabiles modis omnibus dicte Guillelme et nos predicta omnia et singula teneri de suo proprio ad magasio et de uoluntate ipsius hominagium abbatis Sancti Stephani predicti pro eo et successoribus suis intramus Uolumus autem nos domina et homines predicti et ad predicta tenenda compelli sicuti ex re adiudicata per curiam ducis Burgundie et per archidiaconum Diuionis quorum inridictionibus quod ad hoc nos supponimus In cuius rei testimonium litteris istis sigillum dicte curie et sigillum uiri uenerabilis domini Anserici archidiaconi Diuionensis in ecclesia Lingonense suplicauimus et obtinuimus apponi Actum anno et mense predictis