Charter Document - 05290036

In nomine Domini amen Anno Incarnationis millesimo ducentesimo septuagesimo tertio mense julio ego Perronetta quondam uxor Uienetti Cretin ego Durandus Tantoz consanguineus dicti Uieneti et ego Michael filius dicti Durandi notum facimus omnibus presentes litteras inspecturis quod nos prouida deliberatione non in aliquo circonuenti pro debitis et legatis ac elemosinis Perronetti Cretin defuncti reddendis uendidimus concessimus et quittauimus in hereditatem perpetuam uiris uenerabilibus et religiosis abbati et conuentui Sancti Stephani Diuionensis petiam unam terre arabilis sitam in territorio de Cuntigneio ante grangiam prioratus de Cuntigneio iuxta terram Guiotti Chape ex una parte et iuxta terram Constantini dicti Mairot de Cuntigneio ex altera pretio sexaginta et decem solidorum Diuionensium nonorum fortium de quibus a dictis abbate et conuentui recepimus et habuimus solutionem integram in pecunia numerata et eos in solutionem debitorum legatorum et elemosinarum dicti Perronetti Cretin conuersos et positos esse totaliter asserimus per sacramentum nostrum prestitum super sancta Dei euangelia corporale quare de dicta petia terre dictos abbatem conuentum corporaliter inuestiuimus et tenemur et promittimus quilibet insolidum et pro toto sub expressa obligatione bonorum nostrorum omnium mobilium et immobilium presentium et futurorum ubicumque existentium et per sacramentum nostrum pro nobis et nostris heredibus quos ad hoc obligamus prestitum super sancta Dei euangelia corporale dictam petiam terre garantire dictis abbati et conuentui et eorum successoribus perpetuo contra omnes et nos pro eis semper ubique locorum et in omni curia contra personas omnes opponere propter hoc et respondere propriis sumptibus et bonus litis in nos pro eis suscipere quam cito et quotienscumque super hoc uocati fuerimus sine diebus et indutiis exigendis et eos inde consersuare modis omnibus indempnes si qui contrauenire uolentes apparerent quod absit et in nullo contraire de cetero per nos uel per alios uerbo uel facto seu consensu uel iure seu consuetudine uel modo alio qualicumque Renuntiantes in hoc facto quilibet in solidum et pro toto sub uirtute prestiti iuramenti exceptioni dicte pecunie non recepte et integre non habite et non conuerse totaliter in solutionem debitorum legatorum et elemosinarum Perronetti predicti exceptioni minoris pretii exceptioni doli in factum et circonuentionis in aliquo omni auxilio iuris canonici et ciuilis et consuetudinis et facti omnibus iuribus in fauorem mulierum introductis et omnibus que contra presens instrumentum uel factum possent obici seu dici et iuridicenti generalem renuntiationem non ualere Hec autem omnia ego Joannes dictus de Marcennai maritus dicte Perronette laudo uolo concedo approbo et confirmo et hiis omnibus auctoritatem meam et assensum meum prebeo et consensum Uolumus autem nos omnes et singuli predicti quod ad hec omnia tenenda compellamur sicut ex re adiudicata per curiam ducis Burgundie et per archidiaconum Diuionensem quorum iuridictionibus quo ad hec nos et nostros heredes supponimus In cuius rei testimonium et munimen perpetuum litteris istis sigillum supradicte curie ducis Burgundie et sigillum uiri unerabilis domini Anserici archidiaconi Diuionensis in ecclesia Lingonense supplicauimus et obtinuimus apponi Actum anno et mense predictis