Charter Document - 05290033

In nomine Domini amen Anno Incarnationis eiusdem millesimo ducentesimo septuagesimo tertio junio ego Laurentius clericus filius quondam Laurentii de Coycheio defuncti notum facio omnibus presentes litteras inspecturis quod ego scienter et prouide considerans et attendens quod nichil est morte certius et nichil incertius hora mortis ab hoc diem extreme messionis operibus misericordie preuenire et anime mee saluti prouidere cupiens pro salute et quiette anime mee et animarum antecessorum meorum et pro anniuersario meo singulis annis in perpetuum in ecclesia Beatissimi Protomartiris Stephani Diuionensis post meum obitum faciendo do et concedo uiris uenerabilibus et religiosis abbati et conuentui dicte ecclesie in puram et perpetuam elemosinam quadraginta solidos monete bone et legalis que pro tempore generaliter curret per ducatum Burgundie de annuo et perpetuo redditu quos assedi dictis abbati et conuentui et eorum successoribus percipiendos et habendos et eis uel eorum mandato reddendos in ecclesia predicta singulis annis perpetuo die qua meum celebrabitur et fiet anniuersarium post meum obitum super duas petias uinearum sitas in territorio de Coycheio quarum una continens circiter unum iornale et dimidium sita est in loco ubi dicitur en clos Lauesque iuxta uineam Perrini Sauigne ex una parte et iuxta uineam Latriceii ex altera et alio in loco ubi dicitur en Sampigne iuxta uineam Martini maioris ex una parte et iuxta uineam Uienetti Cortain ex altera et super duas domos meas sitas Diuiony in Roelletta Monialium de Thar et super fundos mansos et pertinentias earum omnes quarum una sita est iuxta domum domine abbesse ex una parte et iuxta domum Perrelli de Marreio ex altera et alia iuxta domum Alardi Cambitoris sororis ex una parte et iuxta domum Iornette la Beguine ex altera et in memoriam et recognitionem huius helemosine uolo quod dicti abbas et conuentus habeant annuatim die beati Laurentii quamdiu uixero decem solidos monete predicte pro tempore currentis quos assedi super domos et uineas supradictas quo die beati Laurentii fiet commemoratio mei in missa Uolo autem precipuo et instituo quod quicumque uineas predictas cum domibus fundis mansis et pertinentiis earum tenebunt pro tempore dictos decem solidos annuatim die beati Laurentii quandiu uixero et dictos quadraginta solidos die anniuersarii mei annuatim perpetuo post meum obitum dictis abbati et conuentui et eorum successoribus uel eorum mandato reddant et reddere teneantur et quod quotienscumque ego uel heredes mei uel alii predicta tenentes pro tempore defecerimus in aliquo predictorum dicti abbas et conuentus per se uel per mandatum eorum ex tunc in antea propria auctoritate sine clamore et ostentione curie cuiuslibet ad uineas et domos predictas et ad fundos mansos et pertinentias recurrant et recurrere possint et debeant et hec omnia teneant faciantque ex eis fructus modis omnibus suos quousque et defectus satisfactio plenarie supleatur et fiat et ad hec omnia me et heredes meos et dictas uineas cum dictis domibus fundis mansis et pertinentiis earum in perpetuum obligo dictis abbati et conuentui et successoribus eorum renuncians in hoc facto exceptioni mali et circumuentionis in aliquo omni auxilio iuris canonici et ciuilis consuetudinis et facti priuilegio clericatus et fori et omnibus que contra presens instrumentum uel factum possent obici seu dici et iuridicenti generalem renunciationem non ualere et uolumus quod ad predicta tenenda compellamur ego et heredes mei sicuti pro re adiudicata per curiam ducis Burgundie et per uirum uenerabilem archidiaconum Diuionensem quorum iuridictionibus me et meos heredes quo ad hec suppono In cuius rei testimonium et munimen perpetuum litteris presentibus sigillum dicte curie ducis Burgundie et sigillum uiri uenerabilis domini Anserici archidiaconi Diuionensis in ecclesia Lingonense suplicaui feci et obtinui apponi Actum anno et mense predictis