Charter Document - 05290032

In nomine Domini amen Anno Incarnationis eiusdem millesimo ducentesimo septuagesimo secundo mense februario ego Girardus filius defuncti Renaudi Lescuelier notum facio omnibus presentes litteras inspecturis quod cum defunctus Renaudus dictus qui non bibit de uino auus meus dedisset in puram et perpetuam elemosinam Deo et monasterio Sancti Stephani Diuionensis et uiris uenerabilibus et religiosis abbati et conuentui eiusdem monasterii Sancti Stephani uiginti solidos Diuionenses pro remedio anime sue et eos assedisset dictis abbati et conuentui percipiendos et habendos singulis annis perpetuo super uineam suam quam teneo sitam in territorio ubi dicitur ante Sanctum Martinum iuxta uineam Campionis de Fontanis ex una parte et iuxta uineam Willardi dicti lou uair ex altera tandem ad preces meas instantissimas tresdecim solidos et quatuor denarios Uiennenses pro dictis uiginti solidis Diuionensibus abbas et conuentus dicti monasterii Sancti Stephani gratanter receperunt Quos tresdecim solidos et quatuor denarios Uiennenses assedi predictis abbati et conuentui percipiendos et habendos et eis et eorum successoribus aut ipsorum mandato reddendos singulis annis perpetuo terminis subnotatis subnotatis uidelicet festo sancti Remigii sex solidos et octo denarios Uiennenses et in festo Natiuitatis Beati Johanis Baptiste continue sequenti sex solidos et octo denarios Uiennenses predictorum super domum meam tam ligneam quam lapideam et super cellarium dicte domus et super fundum et pertinentias omnes domus eiusdem Ita quod ego et heredes mei et quicumque alii dictam domum que sita est Diuione retro monasterium Beate Marie et cellarium fundum et pertinentias eius omnes proinde uico in uicum se ingerunt tenebunt pro tempore dictos tresdecim solidos Uiennenses et quatuor denarios dictis abbati et conuentui et eorum successoribus aut eorum mandato reddemus et reddere tenemur singulis annis perpetuo terminis antedictis et ipsam domum cum fundo cellario et pertinentiis eius in bono statu tenebimus uolimus que quod si dicti tresdecim solidi et quatuor denarii Uiennenses annuatim soluti non fuerint dicti abbas et conuentus quotienscumque in aliqua dictarum solutionum Ego uel heredes mei aut alii predicta tenentes pro tempore deffecissent per se uel per mandatum eorum auctoritate propria et siue clamore uel ostenssione curie cuiuslibet ecclesiastice uel secularis ad dictam domum cellarium fundum et pertinentias eius omnes recurrant et recurrere possint et debeant et hec omnia teneant faciant que ex hiis fructus modis omnibus suos quousque defectus qualiscumque plenarie et integre suppleatur cum missionibus omnibus si quos in predictis manutenendis posuerit et ad hec omnia dictam domum cum cellario fundo iuribus et pertinentiis eius omnibus et me et meos heredes et quoscumque alios hec omnia de cetero tenentes pro tempore in perpetuum obligo dictis abbati et conuentui et successoribus eorumdem et hec omnia teneor et promitto per sacramentum meum prestitum super sancta Dei euangelia corporale tenere et facere et obseruare prout superius continentur Hec eadem omnia ego Maria uxor dicti Girardi sponte prouide sine ui et metu laudo et tenere promitto et inuiolabiliter obseruare et in nullo contraire de cetero per me uel per alium ratione dotis uel donationis propter nuptias aut auerie seu proprietatis aut in quolibet alio iuramento prestito super sancta Dei euangelia corporali renunciamus autem nos Girardus et Maria predicti in hoc facto sub uirtute prestiti iuramenti exceptioni doli in factum et circonuentionis in aliquo omni auxilio iuris canonici et ciuilis et consuetudinis et facti et omnibus iuribus in fauorem mulierum introductis et omnibus que contra presens instrumentum uel factum possent obici seu dici et iuri dicenti generalem renuntiationem non ualere uolumusque quod ad hec tenenda compellantur sicuti pro re adiudicata per curiam ducis Burgundie cuius iurisdictioni quo ad hec nos supponimus In cuius rei testimonium litteris istis sigillum dicte curie supplicauimus et obtinuimus apponi Actum anno et mense predictis