Charter Document - 05290029
| Charter Number: | 05290029 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1272 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo septuagesimo secundo mense augusto ego Ysabellis relicta Renaudi Barate de Marcennaio uidua et in mea libera potestate notum facio omnibus presentes litteras inspecturis quod ego prouida deliberatione non in aliquo circonuenta pro utilitate mea uendidi concessi et quittaui in hereditatem perpetuam uiris uenerabilibus et religiosis abbati et conuentui Sancti Stephani Diuionensis duas meas petias uinearum liberas ab omni debitorum et seruitutis honere pro recta decima et recto censu quarum una sita est in territorio de Marcennay ubi dicitur es Crais inter uineam ipsorum abbatis et conuentus et uineam Milleti de Marcennay et alia in territorio de Coycheio inter uineam Sancti Benigni Diuionensis que uocatur Campus Salomonis et uineam Johannis Chastelain pretio septem librarum Uiennensium de quibus a dictis abbate et conuentu recepi et habui solutionem integram in pecunia numerata et propter hoc de dictis duabus petiis uinearum ego me penitus deuestiens dictos abbatem et conuentum corporaliter inuestiui Et teneor et promitto sub expressa obligatione bonorum meorum omnium mobilium et immobilium presentium et futurorum ubicumque existentium et per sacramentum meum pro me et meis heredibus quos ad hoc obligo prestitum super sancta Dei euangelia corporale dictas duas petias uinearum garantire dictis abbati et conuentui et eorum successoribus perpetuo contra omnes et me pro eis semper et ubique locorum et in omni curia contra personas omnes opponere propter hoc et respondere propriis sumptibus et bonus litis in me pro eis suscipere quam cito et quotienscumpe super hoc uocata fuero sine diebus et indutiis exigendis et eos inde conseruare mobis omnibus indempnes si qui contra uenire uolentes apparerent quod absit et in nullo contraire de cetero per me uel per alium uerbo uel facto seu consensu uel iure uel consuetudine uel modo alio qualicumque et pro dicta garantia portanda et pro dictis conuentionibus melius et firmius tenendis obligo et ypotheco in manibus dictorum abbatis et conuentus totam uineam meam de meo mouentem capite sitam in territorio ubi dicitur en Longeroie iuxta uineam fratrum militie Templi ex una parte et iuxta uineam hospitalis Diuitum Diuionensis ex altera Uenditionem autem et obligationem predictas nos Adelina et Gerooz filie dicte Ysabellis sponte prouide sine ui et metu laudamus et ratas et firmas habemus et promittimus in perpetuum habere iuramento prestito super sancta Dei euangelia corporali et in nullo contraire de cetero per nos uel per alios ratione auerie seu dotis aut donationis propter nuptias aut proprietatis uel conquestus aut modo alio qualicumque renuntiamus autem nos Isabellis Adelina et Gerooz in hoc facto sub uirtute prestiti iuramenti exceptioni dicte pecunie non recepte et integre non habite exceptioni minoris pretii exceptioni doli in factum et circonuentionis in aliquo omni auxilio iuris canonici et ciuilis et consuetudinis et facti et omnibus iuribus in fauorem mulierum introductis et omnibus que contra presens instrumentum uel factum possent obici seu dici et iuridicenti generalem renuntiationem non ualere In cuius rei testimonium litteris presentibus sigilla uirorum uenerabilium domini Petri decani capelle ducis et magistri Alberici decani Christianitatis Diuionensis rogauimus fecimus et obtinuimus apponi Actum anno et mense predictis