Charter Document - 05290028
| Charter Number: | 05290028 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1272 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo septuagesimo secundo mense augusti ego dicta More ego Uienetus de Cuteygneio Hugo Helioz et Johannes ipsorum filii renuntiantes quantum ad hoc omni auerie tutele et minori etati notum facimus omnibus presentes litteras inspecturis quod nos pro utilitate et necessitate nostra uendidimus tradidimus quittauimus et concessimus in hereditatem perpetuam Perrino dicto Guillot de Cuteygneio unam petiam terre arabilis sitam in finagio de Cuteygneio in loco ubi dicitur Ysselatre iuxta terram domini Huonis de Cuteygneio militis ex una parte et iuxta terram Aubrici dicti Chape ex altera precio uidelicet sexaginta et quinque solidorum Uiennensium de quibus a dicto Perrino plenum integrum et perfectum recepimus et habuimus pagamentum in pecunia numerata propter quod de predicta petia terre nos deuestiuimus et dictum emptorem pro se et suis heredibus corporaliter inuestiuimus nichil in ea iuris uel reclamationis retinentes Promittimus siquidem per iuramentum nostrum pro nobis et nostris heredibus quos ad hoc obligamus prestitum super sancta Dei euangelia corporale dicto emptori et suis heredibus dictam petiam terre quitam et liberam ab omni honere et seruitute pro recta decima et tertiis garantire et defendere semper et ubique contra omnes ac in nullo de cetero contraire per nos uel per alios uerbo uel facto tacite uel expresse seu modo alio qualicumque ac eos modis omnibus inde conseruare indempnes si aliqui calumniatores apparerent quod absit et facere et prestare quicquid in causa euictionis debet fieri et prestari Renuntiamus autem in hoc facto exceptioni pecunie non habite et non numerate fori priuilegio exceptioni deceptionis ultra dimidiam iusti pretii beneficio restitutionis in integrum omnibus iuribus in fauorem mulierum introductis omnique auxilio totius iuris canonici et ciuilis Uolentes nos ad predicta tenenda compelli tamquam ex se adiudicata per curiam domini ducis Burgundie cuius iurisdictioni quo ad hoc supponimus nos et nostros heredes et omnia bona nostra mobilia et immobilia presentia et futura In quorum omnium testimonium litteris istis sigillum dicte curie supplicauimus et obtinuimus apponi Actum anno et mense predictis