Charter Document - 05290020
| Charter Number: | 05290020 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1271 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo septuagesimo primo mense nouembris ego Perrellus Uieniere de Genreyo et ego Johanna uxor eius notum facimus omnibus presentes litteras inspecturis quod cum Eurardus Senetier de Genreio diu est uendiderit et concesserit Andree de Tilicastro le Tonnelier burgensi Dyuionensi et Oudaenot uxori eius ad uitas eorum et superuiuentis eorumdem modium unum uini puri mustalis et unam eminam frumenti ad mensuram Dyuionensem de annuo redditu percipienda et habenda et eis ac superuiuenti eorum in quocumque loco et in quocumque statu et habitu sint reddenda et deliberanda uel eorum seu superuiuentis eorum mandato annuatim uindemiarum tempore uidelicet dictum modium uini in puris racemis mustalibus et dictam eminam frumenti de frumento gaaingnagii sui uel in ualore frumenti decime de Genreio Nos pro dicto Eurardo de dictis frumento et uino reddendis modo premisso in manibus dictorum Andree et Oudaenot et superuiuentis eorum facimus nos redditores principales per sacramentum nostrum prestitum super sancta Dei euangelia corporale quotienscumque dictus Eurardus defecerit in premissis et ad hoc obligamus dictis Andree et Oudaenot petiam unam uinee circiter sex operatas continentem sitam in territorio ubi dicitur en Esteles iuxta uineam Henrici dicti lou Conte ex una parte et iuxta uineam Johannis Pito ex altera et se ingerit supra prata de Broignon quam uineam in bono statu tenemur tenere uolentes quod quotienscumque nos et dictus Eurardus in premissis defecerimus ipsi Andreas et Oudaenot et superuiuens ex ipsis ad dictam petiam uinee et ad omnes assignationes eis propter hoc factas a dicto Eurardo recurrant et ea omnia et singula teneant et ex ipsis suos faciant fructus donec predicta frumentum et uinum de quolibet anno quo soluta non fuerint eis integre persoluantur cum missionibus quas posuerint in uinea supradicta et cum dampnis que per simplex uerbum ipsorum se dixerunt propter hoc incurisse Renunciantes in hoc facto exceptioni doli in factum epistole diui Adriani juridicenti quod principaliter debitorum antequam fideiussorum debeat conuenire omnibus iuribus in fauorem mulierum introductis et omni auxilio iuris et facti uolentes nos compelli ad premissa omnia tenenda quemlibet nostrum pro toto tamquam ex re adiudicata per curiam domini ducis Burgundie cuius iurisdictioni quo ad hoc supponimus nos et nostros heredes In quorum testimonium litteris istis sigillum dicte curie supplicauimus et obtinuimus apponi Actum anno et mense predictis