Charter Document - 05290016
| Charter Number: | 05290016 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1271 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo septuagesimo primo mense junii nos Pontius de Thar miles Hugoninus filius domine Adeline de Ulmis et Parisia filia Emeline dou Vernoy de Argilleio notum facimus omnibus presentes litteras inspecturis quod cum discordia uerteretur inter nos ex una parte et uiros uenerabiles et religiosos abbatem et conuentum Sancti Stephani Diuionensis ex altera super noualibus et rupturis uille et finagio de Thar hactenus factis tandem bonis uiris mediantibus super hiis inter nos et dictos abbatem et conuentum pax in hunc modum amicabilis interuenit uidelicet quod pro eo quod ipsi abbas et conuentus nos quittauerunt ab exactione noualium et decime rupturarum hactenus factarum in uilla et finagio de Thar tenemur et promittimus reddere et soluere dictis abbati et conuentui et successoribus eorum uel ipsorum mandato singulis annis in perpetuum de cetero infra festum Sancti Dionisii tres bichotos bladi frumenti et auene per medium ad mensuram Diuionensem ratione medietatis non alium et decime de Thar et ad hoc nos et nostros heredes et successores et totam partem nostram decime et noualium uille et finagio de Thar specialiter obligamus in perpetuum dictis abbati et conuentui et successoribus eorumdem quittamus etiam dictis abbati et conuentui et eorum sucessoribus perpetuo pro nobis et nostris heredibus decimas omnes et noualia rupturarum pratorum et essartorum omnium qualiumcumque de cetero fient in uilla et finagio de Thar promittentes per sacramentum nostrum prestitum super sancta Dei euangelia corporale pro nobis et nostris heredibus quos obligamus ad hoc hec omnia et singula tenere et inuiolabiliter obseruare perpetuo et in nullo contra ire de cetero per nos uel per alios uerbo uel facto seu consensu tacite uel expresse renuntiantes in hoc facto sub uirtute prestiti iuramenti exceptioni doli lesionis et circonuentionis in aliquo omni auxilio iuris canonici et ciuilis et consuetudinis et facti omnibus iuribus in fauorem mulierum introductis et omnibus que contra presens instrumentum uel factum possent obici seu dici et iuridicenti generalem renuntiationem non ualere In cuius rei testimonium et munimen presentibus litteris sigilla uirorum uenerabilium domini Petri decani capelle ducis et magistri Alberici decani Christianitatis Diuionensis rogavimus fecimus et obtinuimus apponi Actum anno et mense predictis