Charter Document - 05290015
| Charter Number: | 05290015 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Lay |
| Charter Type(s): | Will |
| Date: | 1271 |
| Date type: | Internal, A.D. |
| Resource Link(s): |
|
Charter:
In nomine Patris et Filii et Spiritus Sancti amen Ego Aalidis filia quondam Reneris de Marrigneio sana mente licet infirma corpore considerans et attendens quod sicut aqua ignem ardentem extinguit sic elemosina peccato resistit ob hoc ego diem extreme messionis operibus misericordie preuenire et anime mee saluti prouidere cupiens testamentum meum in hunc modum scienter et prouida deliberatione dispono et ordino in hunc modum primo uolo quod debita mea reddantur usque ad summam decem librarum et decem solidorum Uiennensium per manum uenerabilis et religiosi uiri domini Amidei abbatis sancti Stephani Diuionensis Post hec do et lego fratribus Minoribus Diuionensibus centum solidos Uiennenses fratribus Predicatoribus Diuionensibus triginta solidos Uiennenses hospitali Sancti Spiritus de Diuione pro pictantia pauperum duos solidos Uiennenses hospitali Diuitum Diuionensi duos solidos Uiennenses hospitali Sancti Benigni duos solidos Uiennenses hospitali Beate Marie duos solidos Uiennenses hospitali Ierusolimitano duos solidos Uiennenses leprosis Diuionensibus duos solidos Uiennenses domino Bernardo canonico Sancti Stephani capellano Sancti Medardi tres solidos Uiennenses clerico Sancti Medardi duodecim denarios Uiennenses duabus pauperibus puellis neptibus fratribus Petri de Castro Caroli decem solidos Uiennenses Item operi Sancti Medardi Diuionensis quinque solidos Uiennenses et in cimiterio fratrum Minorum Diuionensium meam eligo sepulturam Preterea do et lego in puram et perpetuam elemosinam et quitto Deo et ecclesie sancti Stephani Diuionensis pro meo anniuersario singulis annis in perpetuum in ea faciendo donatione facta inter uiuos domum meam quam acquisiui titulo legitime emptionis de meis propriis denariis cum cellario fundo manso iuribus et pertinentiis eius sitam Diuioni in castro iuxta domum Joanis filii defuncti Bartolemei de Saumaise ex una parte et iuxta domum relicte et heredum defuncti Renaudi Gaillart en altera et de dicta domo cellario fundo manso iuribus et pertinentiis eius ecclesiam Sancti Stephani predicti et conuentum ipsius ecclesie per manum dicti domini abbatis inuestio et de eisdem domo cellario fundo manso iuribus et pertinentiis abbatem et conuentum predictos nomine suo et successorum suorum ueros heredes instituto do et lego ecclesie et abbati et conuentui supradictis in elemosinam puram et perpetuam omnia aisiamenta et utenssilia qualiacumque et in quibuscumque locis consistant que domina Sybilla Sescallisa auia mea dedit mihi et que ex ea ad me deuenire possunt et debent et ex ipsis dictis abbatem et conuentum et eorum ecclesiam inuestio et eos ex dictis aisiamentis et utensilibus meos ueros heredes instituo Uolens et concedens ut tenentes dictam domum cum cellario fundo manso iuribus et pertinentiis eius et dicta aisiamenta et utensilia nomine abbatis et conuentus predictorum et successorum suorum pro eisdem de cetero teneant Hec est autem ultima uoluntas mea quam teneri et obseruari uolo et ad ipsam tenendam et obseruandam heredes et successores meos obligo et uolo quod ratione testamenti bene et legitime et deliberatione facti ualeat ut iure codicillorum aut quocumque modo ualere possit et debea supplicans uenerabili et religioso uiro domino Amideo abbati Sancti Stephani predicto ut amore Dei et pietatis intuitu dicta debita legata luminare et scrinium reddat et soluat pro me usque ad summam superius contentam In cuius rei testimonium et munimen litteris istis presentibus sigilla uirorum uenerabilium domini Petri decani capelle ducis et magistri Alberici decani Christianitatis Diuionensis supplicaui feci et obtinui apponi Actum anno Domini millesimo ducentesimo septuagesimo primo mense aprilis