Charter Document - 05290012
| Charter Number: | 05290012 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1270 - 1271 |
| Date type: | Internal, A.D. |
| Resource Link(s): |
|
Charter:
In nomine Domini amen Anno Incarnationis eiusdem millesimo ducentesimo septuagesino mense marcio ego Galterinus de Corcellis uersus Sarrigneium filius quondam Bartholomei de Corcellis defuncti et ego Margareta uxor eius notum facimus omnibus presentes litteras inspecturis quod nos sponte prouide sine ui et metu et sine qualibet circonuentione pro utilitate et necessitate nostra uendimus concedimus et quittauimus in hereditatem perpetuam uiris religiosis et uenerabilibus abbati et conuentui Sancti Stephani Dyuionensis peciam unam uinee de capite mei Margarete mouentem sitam in finagio de Sarrigneio in loco ubi dicitur en Cortum ad perreriam dictorum abbatis et conuentus super uineam eorumdem iuxta uineam Perroneti dicti Bouxardat de Corcellis ex una parte et iuxta uineam Martini generi Naui de Perrenant ex altera precio uidelicet septem librarum Uiennensium de quibus a dictis abbate et conuentu plenam perfectam et integram solutionem recepimus et habuimus in pecunia numerata Et propter hoc de dicta pecia uinee nos omnino deuestimus pro nobis et nostris heredibus presentibus et futuris et dictos abbatem et conuentum per manum uiri uenerabilis et religiosi fratris Amidei abbatis ecclesie Sancti Stephani predicte corporaliter inuestimus et in plenum dominium et possessionem corporalem ueram et perpetuam inducimus pro omni uoluntate sua et successorum suorum modis omnibus et omni tempore facienda Et tenemur ac promittimus sub obligatione bonorum nostrorum omnium mobilium et immobilium presentium et futurorum et per sacramentum nostrum pro nobis et nostris heredibus quos ad hoc obligamus prestitum super sancta Dei euangelia corporale dictam peciam uinee garantire dictis abbati et conuentui et eorum successoribus perpetuo contra omnes quictam et liberam ab omni onere et seruitate pro decima consueta et pro tribus obolis censualibus de quadam parte dicte pecie uinee Sergent de la Doiz annuatim in marcio persoluendis et facere quicquid in causa euictionis fieri debet et prestari et nos pro eis semper et ubique locorum et in omni curia contra personas omnes opponere propter hoc et respondere propriis nostris sumptibus et in nos litis onus pro eis suscipere quam cito et quocienscumque super hoc requisiti fuerimus et uocati absque diebus et indutiis exigendis ac eos inde conseruare modis omnibus indempnes si qui calumniatores apparerent quod absit et in nullo contraire de cetero per alios uerbo uel facto consensu uel in alio qualicumque Renuntiantes in hoc facto ex certa scientia exceptioni non numerate et non recepte pecunie deceptionis ultra dimidiam iusti precii doli in factum omnibus gratiis in fauorem mulierum introductis omni auxilio iuris et facti et omnibus aliis que contra predicta possent obici siue dici In quorum omnium testimonium et munimen perpetuum litteris istis sigillum uiri uenerabilis domini Theobaldi archidiaconi Belnensis in ecclesia Eduensi rogamus apponi et obtinuimus Actum anno et mense supradictis