Charter Document - 05290009
| Charter Number: | 05290009 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1270 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis magister Petrus de Auxona canonicus Beati Martini Turonensis in Domino salutem Noueritis quod ego do et concedo uiris uenerabilibus et religiosis abbati et conuentui Sancti Stephani Diuionensis ad firmam ad totam uitam meam ea que ab eis ad uitam meam habeo et teno que hic inferius continentur uidelicet grangiam uineam et grangnagium eorum de Seneceio decimas eorum omnes uillarum et territoriorum de Seneceio de Moruellis de Nueilleio et de Crimolois pro centum libris Turonensium singulis annis mihi uel certo mandato meo apud Diuionem in domo fratum militie Templi hiis terminis persoluendis uidelicet tricesima die post instantem resurrectionem Domini quinquaginta libras dicte monete et in festo Beati Remigii in capite octobris eodem anno quinquaginta libras ipsius monete Et sic deinceps singulis annis eisdem terminis et loco pro tota uita mea centum libras monete predicte mihi uel cetero mandato meo sicut predictum est persoluendis Promitto autem eisdem abbati et conuentui bona fide contractum istum seu concessionem hanc et donationem ad firmam per totam uitam meam inuiolabiliter obseruare et contra eam per me uel per alium non uenire Actum est hoc inter me et dictos abbatem et conuentuum quod si infra quinquennium a tempore hujus contractus computandum humanitus de me contigerit et illo anno quo decederem terminus solutionis nondum aduenisset nichilominus pensio seu pensiones dicti anni ad me pertinerent et hoc si obitus mei tempore fructus condictionis centum a solo separati Si autem non essent a solo separati nichil mihi uel meis heredibus pro illo anno deberetur post quinquennium uero quandocumque de me contigerit humanitus predicti abbas et conuentus ad aliquam pensionem hujusmodi contractus michi uel meis heredibus nullatenus tenebuntur nisi solutionis terminus sit elapsus Renuntio autem in hoc facto constitutioni de duabus dictis edite in concilio generali exceptioni minoris pretii iuri deceptis ultra dimidiam iusti pretii subuenienti beneficio restitutionis in integrum omni auxilio iuris canonici et ciuilis et consuetudinis et facti omnibus litteris impetratis et impetrandis et omnibus aliis quibuscumque per que possem contra predicta uel aliquod predictorum uenire uel me tueri et iuridicenti quod non ualet renuntiatio generalis In cuius rei testimonium litteris presentibus sigillum meum apposui et ad maiorem hujus rei certitudinem litteris eisdem sigilla uirorum uenerabilium domini Girardi prioris Sanctorum Geminorum et domini Petri decani capelle ducis Diuionensis cum meo sigillo rogaui et feci apponi Actum anno Domini millesimo ducentesimo septuagesimo mense septembri die martis ante Natiuitatem Beate Marie Uirginis