Charter Document - 05290007
| Charter Number: | 05290007 |
|---|---|
| Cartulary Title: | Les Foires de Chalon-sur-Saône, des origines au XVIe siècle, et Chartes de l'abbaye de Saint-Etienne de Dijon de 1270-1276. |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1270 |
| Date type: | Internal, A.D. |
| Resource Link(s): |
|
Charter:
Ego magister Matheus presbiter curatus ecclesie uille de Francois notum facio omnibus presentes litteras inspecturis quod cum uiri uenerabiles et religiosi dominus Amideus abbas et conuentus monasterii Sancti Stephani Dyuionensis ex mera liberalitate eorum ad uitam meam solum modo mihi dederint et concesserint illud totum ius quod habent in patronatu dicte ecclesie uille de Francois uidelicet medietatem omnium prouentuum dicte ecclesie in oblationibus numorum panis et bladi et in omnibus que ad altare dicte ecclesie proueniunt et ad manus presbiteri deseruientis in eadem et medietatem absolutionum legatorum trecennalium benedictionum nubentium caritatum et corueiarum carrucarum eiusdem uille confiteor et assero quod post decessum meum statim dictum ius patronattus predicti ad dictos abbatem et conuentum et successores eorum pacifice et sine contradictione uel reclamatione cuiuslibet et sine debitorum et alterius obligationis onere reuerti debet integre ut superius continetur In cuius rei testimonium litteris istis sigilla uirorum uenerabilium domini Petri decani capelle ducis et magistri Alberici decani Christianitatis Dyuionensis supplicaui feci et obtinui apponi Actum anno Domini millesimo ducentesimo septuagesimo mense augusto