Charter Document - 05290006

Nos Hugues cuens de Uihanne sires de Paigny facons sauoir a tous ces qui uerront ces presentes lettres que mes sires Johans sires de Tart cheualiers nostre hons et nostre feals pour nostre loux et pour nostre consentement ay essise bailler et deliurer à madame Ythace sa femme fille dou noble home mon seignor Guillome seignor de Pontoillier et uilcomte de Dijon la moitié de la uile de Uerranges et des appertenances c'est assavoir en terres prés vignes bois corvées homes tailles iustises soignorie et en toutes autres chouses et sur l'autre moitié de cele dite ville huit livres de Uihanne a preure unchascun au depar la dite Ythace et de ses hoirs pour la vendue de la terre de Flammerans qui était dou mariaige à la dite Ythace sa femme Laquele essise et lequel asseuvement de la dite moitié de la ville de Uerranges et des appertenances et des huit livres de Uihanne sur l'autre moitié nos loons et octroions pour tele condition et tele meniére que après le dit seignor de Tart cil qui tarrant la dite ville et les appertenances en serunt en notre homenaige et en notre féalté et de nos hoirs aussi uns chacun pour tele precio comme il i avoit et neu priant fere rere fye si n'estoit pour notre volunté ou de nos hoirs comme des choses qui sunt de nostre fye et qui li diz sires de Tart tient de nos En tesmoignage de laquele chause nos avons mis notre scel en cetes présentes lettres qui furent faites l'an de l'incarnation mil deux cents et soixante et dix au mois de may