Charter Document - 05281058
| Charter Number: | 05281058 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1269 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
In nomine Patris et Filii et Spiritus Sancti amen Ego Ebrardus dictus Diues de Diuione miles sanus mente licet infirmus corpore prouide considerans quod nichil est morte certius et nichil incertius hora mortis nolens intestatus decedere testamentum meum in hunc modum condo et dispono Primo uolo debita mea reddi uidelicet heredibus Stephani de Uarasco de Mastiscone septem uiginti libras Turonenses Perroneto Pelerim ducentas et quadraginta libras Uiennenses Barallo de Belna genero meo centum libras Uiennenses Caorsinis Diuionis sexaginta libras Uiennenses relicte Odonis Scabiosi triginta libras Uiennenses cuidam burgensi Carturiensi uiginti quinque libras Uiennenses de uno equo Reniero preposito Diuionensi quater uiginti libras Uiennenses Garnerio de Besua uiginti et unam libras et quinque solidos Uiennenses Johanni Richoto decem libras Uiennenses Volo etiam clamores meos restitui et pacificare per manus exequutorum meorum inferius nominatorum de quibus uolo reddi domino de Monteacuto et fratri suo centum libras Uiennenses et domino Tilechastri centum libras Uiennenses et residuum usque ad trecentas libras eiusdem monete prout cogniti fuerint uel probati uolo restitui per manus exequutorum meorum predictorum In cymeterio Beate Marie Diuionis iuxta sepulturam uxoris mee meam eligo sepulturam monasterio Sancti Stephani Diuionensis do et lego sexaginta solidos Uiennenses qui michi debentur annuatim perpetuo super domos sitas retro furnum Fori ueteris in crastino Omnium Sanctorum cum emendis septem solidorum nisi dicta die soluti fuerint pro anniuersario meo in eodem monasterio perpetuo faciendo abbati Sancti Stephani predicti centum solidos dicte monete conuentui Sancti Stephani pro pictancia centum solidos Uiennenses operi Beate Marie Diuionis quadraginta solidos Uiennenses domino Stephano canonico uiginti solidos socio suo decem solidos Aliis presbiteris eiusdem ecclesie Beate Marie cuilibet quinque solidos Omnibus aliis presbiteris ecclesiarum Diuionis cuilibet triginta denarios clericis Beate Marie tres solidos ecclesie Sancti Benigni Diuionis pro meo annuersario in ea faciendo triginta tres solidos Uiennenses qui michi debentur annuatim perpetuo dominica post medium martium super domum ligneam et lapideam Anchoart de Laireio sitam ante furnum de Laireio conuentui eiusdem ecclesie quadraginta solidos capelle Ducis Diuionis pro anniuersario meo in ea perpetuo faciendo uiginti solidos censuales super primum stallum a parte domus mee lapidee situm in Burco operi eiusdem capelle quadraginta solidos operi Sancti Medardi Diuionis uiginti solidos cuilibet ecclesie parrochiali Diuionis uiginti solidos cuilibet hospitali Diuionis uiginti solidos operi Fratrum Minorum Diuionis centum solidos conuentui pro pictancia uiginti solidos Fratribus Predicatoribus Diuionis centum solidos et conuentui pro pictantia uiginti solidos Domui Dei de Broichons quadraginta solidos leprosis Diuionis quadraginta solidos pro pictancia leprosis Sancti Sequani quadraginta solidos Domui Sancti Anthonii de Ponte de Norges uiginti solidos monialibus Laireii quadraginta solidos fratribus Uallis Beate Marie uiginti solidos pauperibus clericis pro pane uiginti solidos operi pontis de Longouico uiginti solidos Leodegario seruienti meo decem libras Emeline de Grangea sexaginta solidos Johanni de Virduno clerico meo quadraginta solidos conuentui Cistercii pro pictancia sexaginta solidos conuentui Albe Ripe pro pictancia uiginti solidos hospitali Uallis Susonis uiginti solidos fratribus de Brectoniere uiginti solidos Grilloto seruienti meo centum solidos Item debeo Guillermo Pelerin genero meo cambellano Ducis Burgundie sex uiginti libras Uiennenses quas uolo et precipio ei reddi Huius autem mee extreme uoluntatis meos exequutores constituo uirum uenerabilem decanum capelle Ducis qui preest uel erit magistrum Johannem de Braiseio clericum dominis Ducis Burgundie et dictum Guillermum Pelerin generum meum in quorum manibus pono trado et delibero omnia bona mea mobilia et immobilia fructus et exitus meos omnes quoscumque ut de eis tantum uendant distrahant et alienant quod hec omnia plenarie ualeant adimpleri et hec omnia meis expensis propriis exequantur et de predictis rescindere ualeant et predicta crescere et augmentare prout anime mee saluti uiderint expedire et si omnes his exequendis interesse noluerint uel nequiuerint duo uel saltem unus ea nichilhominus exequantur Hec est autem ultima uoluntas mea quam iure testamenti uolo ualere et si non ualeat iure testamenti uolo quod ualeat iure codicillorum uel quocumque iure uel modo possit et debeat ualere Et ut robur obtineat firmitatis ipsam sigillis uirorum uenerabilium domini Hugonis abbatis Sancti Benigni et magistri Alberici decani Christianitatis Diuionensis roborari rogaui et feci Actum anno Domini millesimo ducentesimo sexagesimo nono mense augusto Item debeo Philippo Uirtuoso decem libras Uiennenses Actum ut supra P et J Haillioz quatuordecim libras et septem solidos