Charter Document - 05281039

Nos Amideus abbas et conuentus ecclesie Sancti Stephani Diuionensis uniuersis presentes litteras inspecturis tenore presentium uolumus esse certum quod nos nomine ecclesie nostre habemus et possidemus ab antiquo uel quasi pleno iure et habere uel possidere uel quasi debemus in omnibus quibuscumque decimis uillarum et finagiorum de Gyeio super Aujon et de Uilla in Bosco medietatem et meditatem omnium qualiumcumque decimarum ratione reportagii de terris illis quas homines de Gyeio et de Uilla in Bosco excolunt extra uillarum finagia predictarum exceptis decimis que ad prioratum de Granceyo disnoscuntur pertinere item si aliquis qui non sit parrochianus de Gyeio excolat uel excoli faciat infra finagium de Gyeio habemus et possidemus uel quasi nomine ecclesie nostre supradicte quartam partem decime in agricultura ipsorum exceptis nobilibus seruientibus religiosis et clericis quorum decime si excolant uel excoli faciant infra finagium de Gyeio sunt totaliter sine partitione alicujus ecclesie nostre Sancti Stephani memorati si uero alibi ratione reportagii medietatem habebimus Item nos abbas et conuentus predicti uel mandatum nostrum habemus tractum omnium decimarum predictarum ad nostram grangiam de Gyeio tam de parte nostra quam de parte aliorum participum cum uograno palea et stramine quicquidque remanet in area post roallum in quocumque loco siue grangia predicte decime reponantur in quibus omnibus nichil omnino possunt uel debent nostri participes reclamare Item pro dicta decima trahenda nos abbas et conuentus predicti uel mandatum nostrum et participes nostri ponemus seruientes pro dictis decimis trahendis quilibet pro portione que sibi competit juramentaque ipsorum recipiemus super dicta decima fideliter protrahenda quilibetque tam nostri quam participum nostrorum seruienti siue seruientibus de mercede sua secundum suam satisfaciet portionem Preterea predicti Symon dominus Castriuillani et Johannes filius eius animarum suarum saluti prouidere curantes tertiam partem alterius medietatis quam habent in decimis supradictis Hugo de Brognon Hugo Darguel Hugo Doutricort milites Petrusque dictus Pooz de Castrouillani seruiens dictorum dominorum quam medietatem tenent in feodum ab eisdem dederunt et concesserunt in perpetuam elemosinam Deo et ecclesie nostre Beati Stephani memorati et sic habebimus in omnibus decimis duas partes excepta franca decima pro ut superius est expressum que totaliter est ecclesie nostre supradicte saluo semper iure in omnibus prioratus de Granceio Ceterum cum retroactis temporibus tam predicta ecclesia nostra sancti Stephani quam participes nostri multa iucurrerint incommoda et dampna grauia in eo quod homines de Gyeio et de Uilla in Bosco excolentes terras in dictis uillis et finagiis earumdem et alibi non soluebant decimas ut debebant ratione reportagii in sue salutis dispendium et periculum animarum huic morbo de cetero predicti domini remedium apponere cupientes uoluerunt concesserunt preceperunt et etiam mandauerunt quod homines predicti excolentes in uillis et finagiis supradictis saltem de quibuslibet quindecim gerbis unam ratione decime soluere teneantur et ad solutionem predicto modo faciendam ipsos predictos dominus Castriuillani et Johannes filius eius compellere promiserunt et tenentur Item uoluerunt concesserunt et etiam preceperunt predicti domini quod adducentes uel apportantes predicta gaaignagia cum uillas intrauerint ad quas debent adducere uel apportare gaaignagia supradicta alta uoce clament tertio seruentes antequam intrent domos suas ut ueniant ad recipiendam decimam prenotatam et si aliquis secus fecerit in tribus solidis Lingonensibus tenebitur ad emendam quam emendam prepositus uel seruiens ipsorum dominorum quicumque pro tempore fuerit apud Gyeium infra octos dies leuabit que inter nos et predictos dominos infra tres dies per medium diuidetur et nichilominus tenebitur homo ille ad computationem et solutionem faciendam premisso modo decime supradicte Si uero aliquis de recipientibus decimas non uenerit ad uocem hominis ter clamantis debite uocabit duos de uicinis sub quorum testimonio deponet et etiam computabit ut per eos probare ualeat de quantitate gerbarum quod si aliquem non uocauerit tenebitur ad emendam modo premisso inter nos et dictos dominos diuidendam et credetur uni de trahentibus decimam super ratione quam debemus habere sine alia probatione quam per iuramentum suum fideliter estimabit Propter que nos abbas et conuentus predicti remisimus quantum in nobis est peccatum si quid incurrerunt dicti homines ratione retentionis decime prenotate et etiam retentionem predictam Et sciendum est quod dicta domus nostra de Gyeio et habitantes in ea habent et habere debent usum et usuagium plenum et liberum in nemoribus pasturagiis pro foagio et domibus edificandis et reparandis in fundo et manso loci predicti et maxime ad omnes aisancias et necessaria dicte domus nostre et animalium nostrorum in finagiis et nemoribus de Gyeio et de Uilla in Bosco et de Tarnac et maxime in finagiis de Corcellis sicut homines de Gyeio habebant tempore Johannis militis quondam domini de Corcellis Sciendum etiam quod nos iam dicti abbas et conuentus Sancti Stephani habebimus si habere uoluerimus sine contradictione predictorum dominorum uel suorum et sine emenda et precio tempore paaignagii quinquaginta porcos si tot habere uoluerimus in nemoribus dictorum dominorum de Gyeio et in nemoribus de Tarnac et de Corcellis ubi homines ipsorum de Gyeio consueuerunt ducere porcos suos et maxime in foresta de Arcu ubicumque nos abbas et conuentus predicti malluerimus uel mandatum nostrum de quibus porcis nostram faciemus modis omnibus uoluntatem De piscatura autem ripparie d'Auion predictus dominus Castriuillani et Johannes filius ejus sic ordinauerunt quod si abbas Sancti Stephani qui pro tempore fuerit presens fuerit apud Gyeium uel aliquis canonicorum suorum in transitu uel faciendo moram per mensem in anno piscari poterit uel piscari facere in ripparia predicta prout extenditur per finagia dicte uille non obstante banno prout sibi uidebitur expedire Si uero canonicus uel canonici Sancti Stephani residentes fuerint apud Gyeium in dicta domo nostra piscari poterunt uel piscari facere una die tantum in ebdomada modo premisso Ubi autem homines de Gyeio piscabunt piscabunt canonicus noster uel canonici nostri et familia dicte domus nostre Si uero aliquis nomine nostro et ecclesie nostre predictam domum nostram de Gyeio ad uitam uel modo alio tenuerit piscari poterit et facere piscari prout dictus abbas qui pro tempore fuerit Preterea uoluerunt dicti domini et etiam mandauerunt quod omnes homines qui ad refugium in dictam domum nostrum de Gyeio uenerint uel ex quacumque causa maleficio uel forefacto confugerint securissimam habeant libertatem nec aliquis ausus sit apponere manum suam in ipsis nec in rebus in dicta domo nostra illatis et inuectis a quocumque elapsis uero octo diebus custos dicte domus nostre ad requisitionem dictorum dominorum uel mandati sui tenetur eiicere hominem uel homines sic ad eam confugientes et ipsi domini eiectum uel eiectos cum rebus suis tenentur conducere uel facere conduci per unum diem et unam noctem bona fide ubi uoluerint declinare quod si confugientes ad dictam domum nostram causa refugii a dicta domo nostra modo alio quam dictum est recesserint nos abbas et conuentus predicti uel ille qui pro nobis dicte domui nostre preerit a predictis dominis in nullo super hoc poterimus accusari Sciendum etiam quod predicta domus nostra de Gyeio et habitantes in ea cum rebus suis remanent in gardia domini Castriuillani et successorum suorum ipsosque a ui a uolentia tenentur deffendere bona fide et etiam custodire sine exactione qualibet facienda nec ipsam domum nostram per ipsos uel per alios infringent uel infringere permittent Item uoluerunt et nobis iam dictis abbati et conentui concesserunt ut quamdam domum contiguam predicti domui nostre de Gyeio a parte ripparie possimus acquirere quocumque modo acquirere poterimus legittime ad nostrum manerium ampliandum Uoluerunt et preceperunt etiam domini supradicti quod prepositus de Gyeio qui pro tempore fuerit iuret quod predicta omnia faciet inuiolabiliter obseruari prout in presentibus litteris plenius continetur Attendentes itaque nos abbas et conuentus predicti deuotionem quam ergo nos predictus dominus Castriuillani et Johannes filius eius habuerunt et habent eisdem et heredibus ipsorum dedimus et concessimus quoddam molendinum nostrum situm in ripparia dicte uille in perpetuum possidendum retinentes quod in molendino predicto uel in aliis molendinis suis uicinis sitis in finagio de Gyeio et de Corcellis in quocumque malluerimus uel quandocumque uoluerimus possimus post primum bladum inuentum in tramuia molere libere sine moutura et alio costamento possimus etiam fullare pannos nostros et canabum adaptare et alia necessaria dicte domus nostre facere pro nostre libito uolontatis retinendo nobis in predicto dono et concessione terras nostras arabiles atque prata et omnia alia que habebamus in dictis finagiis solo molendino excepto Hanc autem donationem concessionem et assignationem nobis a predictis dominis factam de tertia parte decime supradicte ratam et gratam habuerunt ac etiam laudauerunt Hugo de Broigno et Matheria uxor ejus Hugo Darguel et Agnes uxor eius Hugo Doutricort et Felicia uxor eius milites Petrusque Pooz de Castrouillano et Aelidis uxor eius a nobis abbate et conuentu predictis in perpetuam possidendam promittentes iuramento suo prestito corporali quod contra donationem et concessionem predictas per se uel per alium non uenient in futurum rogantes dominos supradictos ut sigilla sua presentibus apponantur in testimonium ueritatis Uolentes igitur sepedicti domini omnia supradicta et singula pro ut superius diuisa sunt robur firmitatis habere promiserunt bona fide iam dictam donationem tertie partis decime prenotate nobis jam dictis abbati et conuentui et successoribus nostris garantire et deffendere perpetuo contra omnes omniaque et singula prout in presenti instrumento continentur seruare ac manu tenere et a subditis suis facere inuiolabiliter obseruari nobis abbati et conuentui supradictis et successoribus nostris bona sua et successores suos propter hoc nichilominus obligantes rogando reuerendum patrem episcopum qui preest uel qui pro tempore fuerit quod si uenirent contra premissa uel aliquid premissorum uel predicta non exequerentur aut exequi facerent ipse in uillam ipsorum de Gyeio ad requisitionem nostram uel mandati nostri post mensem postquam dictus episcopus a nobis super hoc fuerit requisitus monitione premissa in dictam uillam proferat sententiam interdicti cum constiterit de iniuria supradicta episcopo supradicto ipsamque tamdiu teneat et faciat firmiter obseruare donec nobis abbati et conuentui supradictis sit integre et plenarie satisfactnm