Charter Document - 05280055
| Charter Number: | 05280055 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1269 |
| Date type: | Internal, A.D. |
| Resource Link(s): |
|
Charter:
Uniuersis presentes litteras inspecturis frater Amanricus de Rupe preceptor domorum Militie Templi in Francia salutem in domino Noueritis quod cum frater Odo li Guespe preceptor Militie Templi in baiulia Buriarum uellet in uilla que uocatur Uilla subtus Geureium molendinum ad uentum construere et super hoc inter ipsum et uiros uenerabiles et religiosos abbatem et conuentum Sancti Stephani Dyuionensis ordinis Sancti Augustini Lingonensis diocesis discordia uerteretur cum dicti abbas et conuentus dicerent quod dictum molendinum in nostro fundo proprio non poterimus nec debebimus facere cum omnimodam iustitiam haberent in uilla predicta dicto fratre Odone in contrarium asserente quod in nostro fundo proprio facere poterat molendinum predictum tandem bonis uiris mediantibus consensu ipsius fratris Odonis et dictorum abbatis et conuentus interueniente pax inter eos in hunc modum amicabilis interuenit uidelicet quod dicti fratres Militie Templi molendinum predictum in fundo predicto habebunt in perpetuum de cetero in quo molendino dicti abbas et conuentus annuatim percipient in festo Beate Lucie de cetero perpetuo eminam unam frumenti de frumento quod ad ipsum molendinum deferetur molendum et quamcito domus eorum de Lespay ad ipsos redierit molent et molere poterunt in molendino predicto post primum bladum quod inuenitur in tremuya sine alicui molitura aliqua persoluenda pro familia eorum propria dicte domus Et quamdiu clericus secularis uel laicus aut alius quicumque sit domum tenebit predictam de blado quod ad dictum molendinum adduceret molendum molituram persoluet et quamcito et quocienscumque dicta domus ad manus eorum deuenerit pro familia eorum dicte domus de Lespay sine molitura molere poterunt in dicto molendino prout superius est expressum Et si dicti abbati et conuentus pro ipsis in dicta uilla uel eius finagio molendinum facere placuit quamcito molendinum illud ab eis constructum incipiet molere a solutione ratione dicte emine frumenti et a molitura dicte domus eorum de Lespay molendinum nostrum predictum et nos et fratres Militie Templi quitti erimus penitus et immunes et sub prenotatis conuentionibus fratres Militie Templi molendinum predictum ab ipsis constructum tenebunt manutenebunt reficient et adaptabunt perpetuo salua dictis abbati et conuentui iustitia in loco predicto Et nos predictam pacem prout est diuisa superius de consilio dicti fratris Odonis et aliorum fratrum nostrorum laudamus approbamus et in perpetuum confirmamus quibusque predictis conuentionibus consensum nostrum prebemus pariter et assensum per presentes litteras quibus sigillum nostrum apposuimus in testimonium ueritatis Actum anna domini MCC sexagesimo nono mense junii