Charter Document - 05280054
| Charter Number: | 05280054 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1269 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo ducentesimo sexagesimo nono mense maio ego Hugo domicellus filius quondam Humberti Pitois militis defuncti dominus de Montelone de Coicheio et de Parriniaco notum facio omnibus presentibus et futuris quod pro utilitate mea et in presentia et de consensu et authoritate Johannis de Montigniaco militis et Aalidis domicelle uxoris eius et matris mee relicte quondam dicti Humberti donaui quittaui et concessi pro me et heredibus meis in puram et perpetuam elemosinam pro remedio anime mee et antecessorum meorum uenerabilibus et religiosis fratribus Geruasio priori prioratus de Marcennaio in Monte propter curam quam habet ecclesie de dicto Coicheio et priori prioratus de Bonaualle infra Talentum coram et de laude et authoritate uenerabilium uirorum domini Guidonis episcopi Lingonensis et domini Amidei abbatis Sancti Stephani de Diuione presentibus et accipientibus pro se et suis successoribus prioribus decimas tam uini bladi hordei auene quam aliorum fructuum que mihi pertinent et sunt de feodo meo et quas pacifice possideo et a toto tempore in dicta uilla et omni territorio et finagio de dicto Coicheio secundum usuagium loci in perpetuum percipiendas retento nichilominus super his et in omnibus feodo meo et eo amplius quod omnes agri terre uinee et alia bona et hereditagia mea que in presens possideo in dicta uilla et finagio aut per me uel successores meos et causam habentes ex qualibet causa acquirentur aut in dominium et feodum meum retinentur et redibunt libera sint in perpetuum a quacumque decima In quorum testimonium et munimentum nos magistri Petrus decanus capelle Ducis et Albericus decanus Christianitatis Dyuionensis litteris istis sigilla nostra apposuimus requisiti Actum anno et mense predictis