Charter Document - 05280052
| Charter Number: | 05280052 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1269 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo ducentesimo sexagesimo nono mense aprilis ego Joyoz quondam uxor domini Lamberti de Roura militis defuncti et ego Perellus dictorum domini Lamberti et domine Joyot filius notum facimus omnibus presentes litteras inspecturis et per sacramentum meum super sancta Dei euangelia corporaliter prestitum firmiter asserimus quod ipse dominus Lambertus in ultima uoluntate sua dedit et legauit pro remedio anime sue et in anniuersario suo singulis annis in ecclesia Sancti Stephani Diuionensis perpetuo faciendo predicte ecclesie et uiris uenerabilibus et religiosis abbati et conuentui eiusdem ecclesie et successoribus eorum triginta tres solidos et quatuor denarios monete Uiennensis de annuo et perpetuo redditu quos assedit predicte ecclesie et abbati et conuentui memoratis super furnum suum quod est et mouet de feodo ipsius ecclesie et super redditus exitus et prouentus omnes ipsius furni et super mansum fundum et pertinencias eiusdem quod situm est Diuione in Castro iuxta domos nostras et ad hoc ipsum furnum fundum mansum et pertinencias redditus exitus et prouentus omnes ipsius furni ecclesie et abbati et conuentui Sancti Stephani Diuionensis in perpetuum obligauit volens tamen ut ego predicta Joyoz quamdiu uixero percipiam et habeam annuatim sexdecim solidos et octo denarios de triginta tribus solidis et quatuor denariis supradictis et post decessum meum statim ex tunc in antea perpetuo dictos triginta tres solidos et quatuor denarios dicte monete percipiant et habeant integraliter annuatim Et nos Joyoz et Perrellus predicti dictam elemosnam dictorum triginta trium solidorum et quatuor denariorum Uiennensium et obligationem dicti furni fundi mansi pertinenciarum reddituum prouentuum et exituum ipsius furni factam eisdem abbati et conuentui et ecclesie Sancti Stephani Diuionensis pro dictis triginta tribus solidis et quatuor denariis dicte monete annui et perpetui redditus laudamus uolumus concedimus et approbamus et eadem omnia et in nullo per nos uel per alios aliquo tempore contraire promittimus per sacramentum nostrum prestitum super sancta Dei euangelia corporale In cuius rei testimonium et munimen litteris presentibus sigilla uirorum uenerabilium domini Petri decani capelle Ducis et magistri Alberici decani Christianitatis Diuionensis supplicauimus fecimus et obtinuimus apponi Actum anno et mense predictis