Charter Document - 05280050
| Charter Number: | 05280050 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1268 - 1269 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem MCC sexagesimo octauo mense februario Nos Guiottus Albericus Uuillermus Johannes et Perronettus filii defuncti Dominici Chape de Cuntigneio notum facimus omnibus presentes litteras inspecturis quod Dominicus Chapez pater noster predictus hinc uiuens fecit pro utilitate sua cum uiris uenerabilibus abbate et conuentu monasterii Sancti Stephani Dyuionensis permutationem et escambium prout inferius continetur uidelicet quod pro tribus peciis terre arabilis liberis pro decima sitis in territorio Cuntigneii quarum una sita est in loco ubi dicitur en Fontenelles iuxta terras Uuiotti et Humbelini Marescalli ex una parte et iuxta terram Martinotti ex altera alia continens circiter dimidium iornale tam in terra quam in manso sita est a latere ipsius patris nostri ex una parte et iuxta terram mei predicti Guiotti ex altera et se ingerit supra bissum et alia continens circiter dimidium iornale sita est in loco ubi dicitur en la Louuière iuxta terram dicti patris nostri ex una parte et iuxta terram Perrini Gaillart ex altera quas tres pecias terre dicti abbas et conuentus ipsi patri nostro tradiderunt et in perpetuum quittauerunt ipse pater noster tradidit ipsis abbati et conuentui et concessit atque quittauit in hereditatem perpetuam secturam unam prati liberam a seruitute et onere quibuscumque sitam in territorio Cuntigneii intra prata ipsorum abbatis et conuentus in territorio Cuntigneii ubi dicitur en Laichieres et de ipsa sectura dictos abbatem et conuentum corporaliter inuestiuit Nos autem escambium predictum laudantes ac approbantes promittimus quilibet in solidum et pro toto et sub obligatione bonorum nostrorum omnium mobilium et immobilium presentium et futurorum ubicumque existentur et per sacramentum nostrum pro nobis et nostris heredibus quos ad hoc obligamus prestitum super sancta Dei euangelia corporale dictam secturam prati modo premisso liberam garantire dictis abbati et conuentui perpetuo contra omnes et in nullo contraire de cetero per nos uel per alios tacite uel expresse In cuius rei testimonium litteris istis sigilla uirorum uenerabilium domini Petri decani capelle Ducis et magistri Alberici decani Christiauitatis Dyuionensis rogauimus et fecimus apponi Actum anno et mense predictis