Charter Document - 05280048
| Charter Number: | 05280048 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | French |
| Charter Origin: | Lay |
| Charter Type(s): | Promise |
| Date: | 1268 |
| Date type: | Internal, A.D. |
| Resource Link(s): |
|
Charter:
Je Guilhaumes sires de Grancey fais a sauoir a touz cels qui uerront et orront ces presentes lettres que je tieng a ma uie tant soulement des religious barons de l'abbé et du conuent de Sainct Estiene de Dyion la moitie dou grant disme de Grancey et de tout le finage et tout lou menu disme Et apres mon deces li deuant disme doiuent uenir et repairier a la deuant dicte Eglise de Saint Estiene sans contredit de mes hoirs Et se ie ai aucune raison ou aucun droit es deuant diz dismes por raison de fie ou por autre raison quels quele soit je la doing et quit et octroi a la deuant dicte eglise de Saint Estiene sauue ma garde Et promet toutes ces choses deuant dites a garder et a tenir por moi et por mes hoirs parmaignablement et sans contredit En tesmoignage de la quel chose ie ai mis mon scel en ces presentes lettres et ce fut fait en lan de lincarnacion nostre seignoz M et CC et sexante et octe ou mois de octobre