Charter Document - 05280047
| Charter Number: | 05280047 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1268 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem MCC sexagesimo octauo mense iulii ego Guiottus Chapez de Cuntigneio et ego Beloz uxor eius notum facimus omnibus presentes litteras inspecturis quod nos prouida deliberatione non in aliquo circonuenti pro utilitate nostra uendidimus concessimus et quittauimus in hereditatem perpetuam uiris uenerabilibus et religiosis abbati et conuentui Sancti Stephani Diuionensis circiter unam secturam prati liberam ab omni seruitute et onere cuius octaua pars sita est in territorio Cuntigneii in prato Sancti Martini in Lascheriis iuxta pratum ipsorum abbatis et conuentus ex una parte iuxta pratum Perronette Enaugie ex altera et dimidia sectura tam in territorio Cuntigneii quam in territorio de Cheuigneio ita quod uno anno dicti abbas et conuentus capient in dimidia sectura de Cuntigneio et Bigotto in illa que est in territorio de Cheuigneio et alio anno ipsi abbas et conuentus in dimidia sectura de Cheuigneio et Bigotto in illa que est in territorio de Cuntigneio Hanc autem uenditionem fecimus precio decem librarum Uiennensium de quibus pagamentum integrum recepimus et habuimus in pecunia numerata et propter hoc de dicta sectura prati modo premisso diuisa et sita nos omnino deuestiuimus et dictos abbatem et conuentum per manum uenerabilis et religiosi uiri domini Amidei abbatis Sancti Stephani predicti corporaliter inuestiuimus et tenemur et promittimus quilibet in solidum et pro toto sub obligatione bonorum nostrorum omnium mobilium et immobilium presentium et futurorum ubicumque existentium et per sacramentum nostrum pro nobis et nostris heredibus quos ad hoc obligamus prestitum super sancta Dei euangelia corporale dictam secturam prati modo premisso sitam et liberam garantire dictis abbati et conuentui et eorum successoribus perpetuo contra omnes et nos pro eis semper et ubique locorum et in omni curia contra personas omnes opponere propter hoc et respondere propriis sumptibus et eos inde conseruare modis omnibus indempnes si qui calumpniatores apparerent quod absit et in nullo contraire de cetero per nos uel per alios uerbo uel facto seu consensu seu iure uel consuetudine uel modo alio qualicumque renuntiantes quilibet in solidum et pro toto per sacramentum predictum in hoc facto exceptioni precii predicti integre non habiti iusti et legittimi et exceptionis minoris precii et omni auxilio iuris canonici et ciuilis et consuetudinis et facti et omnibus iuribus in fauorem mulierum introductis et omnibus defensionibus exceptionibus occasionibus et aliis quibuscumque que contra presens instrumentum uel factum possent obici seu dici In cuius rei testimonium litteris istis sigilla uirorum uenerabilium domini Petri decani capelle Ducis et magistri Alberici decani Christianitatis Diuionensis rogauimus et fecimus apponi Actum anno et mense predictis