Charter Document - 05280045

In nomine Domini amen Anno incarnationis eiusdem MCC millesimo sexagesimo octauo mense maii ego Parisettus dictus Pastoreaus maior de Chesnetto Magno et nos Odo et Parisettus filii defuncti Uuarneri reuenditoris de Dyuione notum facimus omnibus presentes litteras inspecturis quod nos prouida deliberatione non in aliquo circonuenti pro nostris utilitatibus uendidimus concessimus et quittauimus in hereditatem perpetuam domino Theobaldo magistro Domus Dei de Tilecastro nomine Domus Dei predicte domum nostram totam sitam Dyuione in uia Sancti Martini iuxta domum dicte Domus Dei ex una parte et iuxta domum Uuillermi Anthioche ex altera cum fundo manso iuribus et pertinenciis ipsius domus prout usque ad domum dicte Domus Dei se ingerunt uidelicet precio triginta librarum monete Uiennensis De quibus a dicto magistro Domus Dei recepimus et habuimus pagamentum integrum in pecunia numerata et propter hoc de dicta domo et de fundo manso iuribus et pertinenciis eius omnibus nos omnino deuestiuimus et dictum magistrum Domus Dei corporaliter inuestiuimus Et tenemur et promittimus quilibet in solidum et pro toto sub obligatione bonorum nostrorum omnium mobilium et immobilium presentium et futurorum ubicumque existentur et per sacramentum nostrum pro nobis et nostris heredibus quos ad hoc obligamus prestitum super sancta Dei euangelia dictam domum cum manso iuribus et pertinenciis eius garantire dicto magistro et successoribus eius magistris dicte Domus Dei de Tilecastro nomine eiusdem Domus Dei perpetuo contra omnes et nos pro eis semper et ubique locorum et in omni curia contra personas omnes opponere propter hoc et respondere propriis sumptibus et eos inde conseruare modis omnibus indempnes si qui calumpniatores apparerent quod absit et in nullo contra ire de cetero per nos uel per alios uerbo uel facto seu consensu uel iure seu consuetudine uel modo alio qualicumque Hanc autem uenditionem ego Jaquetta uxor dicti Odonis et ego Isabellis uxor dicti Parisetti fratris dicti Odonis sponte sine ui et metu laudamus et ratam et firmam habemus et promittimus in perpetuum habere iuramento prestito super sancta Dei euangelia corporali et in nullo contraire de eetero per nos uel per alios ratione dotis uel donationis propter nuptias aut auerie uel proprietatis aut conquestus uel modo alio qualicumque Renuntiamus etiam in hoc facto nos omnes et singuli per sacramentum predictum prouide exceptioni precii predicti integre non habiti iusti et legittimi et exceptioni minoris precii uel deceptionis ultra dimidiam iusti precii et omni auxilio iuris canonici et ciuilis et omnibus usibus consuetudinibus et statutis loci uel patrie exceptioni doli mali lesionis uel circonuentionis in aliquo et omnibus iuribus in fauorem mulierum introductis et omnibus defensionibus auxiliis exceptionibus occasionibus et aliis quibuscumque que contra presens instrumentum uel factum possent obici seu dici Et ut hec omnia et singula rata sint et stabilia presentibus litteris sigilla uirorum uenerabilium domini Petri decani capelle Ducis et magistri Alberici decani Christianitatis Diuionensis roganimus et fecimus apponi in testimonium perpetuum ueritatis Actum datum et sigillatum Dyuione anno et mense predictis