Charter Document - 05280043
| Charter Number: | 05280043 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Recognition |
| Date: | 1267 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem MCC sexagesimo septimo mense octobris ego [Guillermus] filius quondam domini Johannis de Ucheio militis defuncti notum facio omnibus presentes litteras inspecturis quod cum uiri uenerabiles et religiosi [] abbas et conuentus Sancti Stephani Dyuionensis me traxissent in causam super eo quod eis ut dicebant dampnum non modicum intuleram in molendo sine molitura in molendino eorum de la Loiche sito in pratis de Genleio et in molendo etiam pre aliis in molendino predicto Tandem ego sano ductus consilio prouida deliberatione non in aliquo circonuentus nec ui nec metu ductus confiteor et assero me nullum ius habere molendi sine molitura in dicto molendino nec molendi pre aliis in eodem Et si ius aliquod in predictis habebam uel aliquo predictorum totum illud ius quitto dictis abbati et conuentui penitus et perpetuo ac successoribus eorumdem promittens per sacramentum meum prestitum super sancta Dei Euangelia corporale contra predicta uel aliquod predictorum non uenire de cetero per me uel per alium tacite uel expresse In cuius rei testimonium litteris istis sigilla uirorum uenerabilium domini Petri decani capelle ducis et magistri Alberici decani Christianitatis Diuionensis rogaui et feci apponi Actum anno et mense predictis