Charter Document - 05280042
| Charter Number: | 05280042 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1267 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem MCC sexagesimo septimo mense junii ego Huo de Tart dominus de Magneio supra Tyliam miles notum facio omnibus presentes litteras inspecturis quod ego considerans et attendens quod nichil est morte certius et nichil incertius hora mortis ob hoc ego diem extreme messionis operibus misericordie preuenire et anime mee saluti prouidere cupiens pro remedio anime mee et animarum antecessorum meorum ac etiam pro una missa de defunctis in ecclesia Sancti Stephani Dyuionensis cotidie celebranda dedi concessi et obtuli in puram et perpetuam elemosinam Deo et uiris uenerabilibus et religiosis abbati et conuentui ecclesie Sancti Stephani Dyuionensis predicte decem eminas bladi frumenti et auene per medium ad mensuram Diuionensem de annuo et perpetuo redditu quas percipiendas et habendas et dictis abbati et conventui aut ipsorum mandato post decessum domini Roberti cantoris capelle Ducis Dyuionensis singulis annis reddendas et deliberandas assedi super tertias meas de Thar mouentes de de meo capite et super redditus et exitus eorumdem tertiarum Et de ipsis decem eminis bladi modo premisso percipiendis et habendis dictos abbatem et conuentum per manum uenerabilis uiri domini Amidei abbatis predicte ecclesie corporaliter inuestiui promittens bona fide contra premissa uel aliquod premissorum de cetero per me uel per alium non uenire tacite uel expresse et ad hec omnia tenenda et adimplenda meos heredes presentes et futuros et predictas terras cum exitibus earum specialiter obligo que omnia et singula supradicta ego Johannes dominus de Thar miles frater dicti Huonis de cuius feodo predicte tertie mouent laudo uolo et concedo et tenere ac obseruare perpetuo promitto bona fide et in nullo de cetero per me uel per alium contraire In cuius rei testimonium nos Huo et Johannes fratres milites predicti sigilla uirorum uenerabilium domini Petri decani capelle Ducis et magistri Alberici decani Christianitatis Dyuionensis rogauimus et fecimus apponi Actum anno et mense predictis