Charter Document - 05280040
| Charter Number: | 05280040 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1266 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem MCC sexagesimo sexto mense martis ego Perellus li Tonnelier notum facio omnibus presentes litteras inspecturis quod ego prouida deliberatione non in aliquo circonuentus pro utilitate et necessitate mea uendidi concessi et quittaui in hereditatem perpetuam uiro uenerabili magistro Alberico decano Christianitatis Dyuionensis domum meam cum manso et omnibus ipsius iuribus sitam Dyuione retro Sanctum Michaelem iuxta domum Eurardi fratris mei ex una parte iuxta domum in qua dominus Girardus Barate presbyter moratur ex altera De cuius venditionis precio iusto et legittimo plenam perfectam et integram solutionem recepi et habui in pecunia numerata et propter hoc de dicta domo et de manso et iuribus ipsius omnibus ego me penitus deuestiens predictum decanum corporaliter inuestiui et teneor et promitto sub obligatione bonorum meorum omnium mobilium et immobilium presentium et futurorum et per sacramentum meum pro me et meis heredibus quos ad hoc obligo prestitum corporale dictam domum cum manso et iuribus eius omnibus garantire dicto decano et eius heredibus perpetuo contra omnes et me pro eo et eius heredibus semper et ubique locorum et in omni curia contra personas omnes opponere propter hoc et respondere propriis sumptibus et eos inde conseruare modis omnibus indempnes si qui calumpniatores apparerent quod absit et in nullo contraire de cetero per me uel per alium uerbo uel facto seu consensu siue iure et consuetudine uel modo alio qualicumque Hanc autem uenditionem ego Amica uxor dicti Perelli sponte prouide sine ui et metu laudo et ratam et firmam habui et promitto in perpetum habere iuramento prestito corporali et in nullo contraire de cetero per me uel per alium ratione dotis uel donationis propter nuptias aut auerie uel modo alio qualicumque Renuntiamus autem nos Perellus et Amica in hoc facto exceptioni non habiti integre precii iusti et legittimi et exceptioni minoris precii et omni auxilio iuris et consuetudini et facti et omnibus iuribus in fauorem mulierum introductis et omnibus que contra presens instrumentum uel factum possent obici seu dici In cuius rei testimonium et munimen presentibus litteris sigilla uirorum uenerabilium domini Amidei abbatis Sancti Stephani et domini Petri decani capelle Ducis Dyuionensis rogauimus et fecimus apponi Actum anno et mense predictis