Charter Document - 05280039

Nos Johannes dominus Castriuillani uniuersis tenore presentium uolumus esse certum quod abbas et conuentus ecclesie Sancti Stephani Diuionensis nomine eiusdem ecclesie habent et possident ab antiquo uel quasi pleno iure et habere et possidere uel quasi debent in omnibus quibuscumque decimis uillarum et finagiorum de Gyeio super Auion et de Uilla in Bosco medietatem et medietatem omnium qualiumcumque decimarum ratione reportagii de terris illis quas homines de Gyeio et de Uilla in Bosco excolunt extra uillarum finagia predictarum exceptis decimis que ad prioratum de Granceyo disnoscuntur pertinere Item si aliquis qui non sit parrochianus de Gyeio infra finagium de Gyeio excolat uel excoli faciat habent uel possident uel quasi iidem abbas et conuentus nomine ecclesie supradicte quartam partem decime in agricultura ipsorum exceptis nobilibus seruientibus religiosis et clericis quorum decime si excolant uel excoli faciant infra finagium de Gyeio sunt totaliter sine partitione alicujus ecclesie Sancti Stephani memorati si uero alibi ratione reportagii medietatem habebunt Item habent tractum iidem abbas et conuentus uel eorum mandatum omnium decimarum predictarum ad ipsorum grangiam de Gyeio tam de parte sua quam de parte aliorum participum cum uograno palea et stramine quidquidque remanet in area post roallum in quocumque loco siue grangia predicte decime reponantur in quibus omnibus nichil omnino possunt uel debent eorum participes reclamare Item pro dicta decima trahenda ponent dicti abbas et conuentus uel mandatum ipsorum et participes ipsorum seruientes pro quibus dictis decimis trahendis quilibet pro portione que sibi competit iuramentaque ipsorum recipient super dicta decima fideliter protrahenda quilibetque ipsorum seruienti siue seruientibus de mercede sua secundum suam satisfaciet portionem Preterea animarum nostrarum saluti prouidere curantes tertiam partem medietatis alterius quam habent in decimis supradictis Hugo de Broignon miles et domina Matheria uxor eius Hugo Darguel et Agnes uxor eius Henricus de Sancto Cyriaco miles et uxor eius Helya Petrusque dictus Pooz de Castrouillano et Aelidis uxor eius et filie Stridan Poot quam etiam medietatem tenent in feodum a nobis damus et concedimus in perpetuam elemosinam Deo et ecclesie Beati Stephani memorati et sic habebunt in omnibus decimis duas partes excepta fransca decima ut superius est expressum que totaliter est ecclesie Sancti Stephani supradicte saluo semper iure in omnibus prioratus de Granceio Ceterum cum retroactis temporibus tam predicta ecclesia Sancti Stephani quam eius participes multa incurrerint incommoda et dampna grauia in eo quod homines de Gyeio et de Villa in Bosco excolentes terras in dictis uillis et finagiis earumdem et alibi non soluebant decimas ut debebant in sue salutis dispendium et periculum animarum huic morbo de cetero remedium apponere cupientes uolumus concedimus precipimus et mandamus quod homines predicti excolentes in uillis et finagiis supradictis et alibi prout superius dictum est saltem de quibuslibet quindecim gerbis unam ratione dicte decime soluere teneantur et ad solutionem predicto modo faciendam ipsos compellere promittimus et tenemur Item uolumus et concedimus et precipimus quod adducentes uel apportantes predicta gaaignagia cum uillas intrauerint ad quas debent uel tenentur apportare gaignagia supradicta alta uoce clament tertio seruientes antequam intrent domos suas ut ueniant ad recipiendam decimam prenotatam et si aliquis secus fecerit in tribus solidis Lingonensibus tenebitur ad emendam et nichilhominus tenebitur homo ille ad computationem et solutionem faciendam premisso modo decime supradicte Si aliquis uero de recipientibus decimas non uenerit ad uocem hominis ter clamantis debite uocabit duos de uicinis si habere potuerit sub quorum testimonium deponet et computabit ut per eos probare ualeat de quantitate gerbarum quod si aliquem non uocauerit tenebitur ad emendam modo premisso ac credetur uni de trahentibus decimam super ratione quam debet habere sine alia probatione quam per iuramentum suum fideliter estimabit Si uero iurauerit quod clamauerit nec seruientes nec uicinos habere potuerit iuramento ipsius credetur super quantitate gerbarum Propter quod iidem abbas et conuentur remiserunt quantum in ipsis est peccatum si quid incurrerunt dicti homines ratione retentionis decime prenotate et etiam retentionem predictam Et sciendum est quod dicta domus Sancti Stephani de Gyeio et habitantes in ea nomine abbatis habent et habere debent usum et usuagium plenum et liberum et sine contradictione qualibet a quocumque in posterum facienda pro aisancia et necessitate dicte domus in nemoribus in quibus homines de Gyeio habent et habebunt usuagium in nemoribus si quidem de Faillo es Reppes on Nouelot habet et habebit in perpetuum dicta domus usuagium ad nemus mortuum et ad remansons sine contradictione aliqua in posterum facienda Additum est et quod pro domibus Sancti Stephani de Gyeio edificandis et reparandis in dicto loco et manso prout modo extenditur in domibus et mansis contiguis dicte domus si eas acquirere potuerint capient dicti abbas et conuentus uel eorum mandatum marimum in predictis nemoribus si ibidem poterit inueniri sine contradictione aliqua ex quocumque in posterum facienda Si uero in dictis nemoribus pro dictis domibus reparandis et edificandis ut superius continetur inueniri non posset nos predictus Johannes tenemur et promittimus deliberare et tradere predictis abbati et conuentui uel eorum mandato in aliis nemoribus nostris dicte domus propinquioribus marimum pro predictis omnibus faciendis siue dare et uendere Notandum quod dicti abbas et conuentus uel illi qui in dicta domo nomine ipsorum morabuntur habebunt et habere poterunt animalia propria quotquot sibi placuerit cujuscumque generis et speciei fuerint animalia prenotata que inquam animalia pasturabunt libere per totum finagium de Gyeio in bosco et in plano omni tempore absque aliquo pasgnagio et absque alio seruicio faciendo de porcis tamen centum uel minus habere poterunt et non ultra Si uero dicta animalia aliter dampnum intulerint predictum dampnum reddetur illi cui illatum erit ad usum et consuetudinem dicte uille de Gyeio absque spargia et emenda nisi forte illud dampnum esset de garda fracta uel dabandon De piscatura autem sic ordinauimus quod illi qui morabuntur in dicta domo piscabunt et piscari poterunt uel faciant piscari per totam rippariam prout extenditur a domo domini Theobaldi presbiteri usque ad molendinum de Vairbruent quocienscumque uoluerint absque banno et contradictione aliqua a quocumque in posterum facienda Si uero abbas Sancti Stephani qui preest uel qui pro tempore fuerit ad dictam domum uenerit piscari faciet sine contradictione aliqua a molendino nostro subtus Gyeium usque ad Lepsariam ubicumque autem piscabunt homines de Gyeio uel piscari facient piscari poterunt uel facere piscari dicti abbas et in dicta domo commorantes Sciendum est quod dicta domus et habitantes in ea cum rebus suis remanebunt in custodia nostra et successorum nostrorum ipsosque custodire a ui el uiolentia et deffendere tenemur et promittimus bona fide sine exactione qualibet facienda nec ipsam per nos uel per alios infringemus aut infringere permittemus Item uolumus et dictis abbati et conuentui concedimus ut quasdam domos contiguas domui sue a parte ripparie cum mansis possint acquirere quocumque modo acquirere poterunt legittime ad mansum suum ampliandum Uolumus etiam et precipimus quod prepositus de Gyeio qui pro tempore fuerit iuret quando de nouo instituetur quod predicta omnia faciet inuiolabiliier obseruari prout in presentis litteris plenius continetur Attendentes itaque predicti abbas et conuentus deuotionem quam ergo ipsos habuimus et habemus nobis et heredibus nostris dederunt et concesserunt quoddam molendinum eorum situm in ripparia dicte uille in perpetuum possidendum retinentes quod ipsi uel commorantes in domo predicta nomine eorumdem in molendino predicto uel in molendinis nostris uicinis sitis in finagio de Gyeio in quocumque malluerint uel quandocumque uoluerint possint molire post primum bladum inuentum in tremuia libere sine moutura et alio costamento quod nos concessimus et iidem possint fullare pannos suos et canabium adaptare et alia necessaria dicte domus facere pro sue libito uoluntatis retinendo sibi in predicto dono et concessione terras arabiles atque prata et omnia alia que habebant in dictis finagiis solo molendino excepto Nos igitur omnia supradicta et singula nunc uolentes robur firmitatis habere promittimus fide prestita corporali iam dictam donationem tertie partis decime prenotate eisdem abbati et conuentui et eorum successoribus garantire et deffendere perpetuo contra omnes omniaque et singula prout in presenti instrumento continentur seruare et manu tenere et a subditis nostris facere inuiolabiliter obseruari eisdem abbati et conuentui et eorum successoribus nos bona nostra et successores nostres propter hoc nichilhominus obligantes Uolumus etiam quod quicumque pro tempore fuerit dominus de Gyeio iuret infra mensum postquam ab abbate uel mandato ipsius fuerit requisitus quod predicta omnia prout in presente instrumento continentur obseruabit et faciet obseruari rogando reuerendum patrem nostrum episcopum Lingonensem quod presenti carte sigillum suum apponat in testimonium ueritatis In quorum omnium testimonium et munimen nos predictus episcopus ad requisitionem predicti Johannis domini Castriuillani presentibus litteris sigillum nostrum duximus apponendum nosque Johannes dominus Castriuillani predictus pro nobis et heredibus nostris et illis qui pro tempore fuerint domini de Gyeio presentibus litteris sigillum nostrum una cum sigillo predicti domini episcopi Lingonensis apposuimus in testimonium ueritatis Actum anno Domini millesimo ducentesimo sexagesimo sexto mense martio