Charter Document - 05280038
| Charter Number: | 05280038 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1266 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem MCC sexagesimo sexto mense februario ego Johannes de Braiseio illustris uiri Domini Ducis Burgundie clericus notum facio omnibus presentes litteras inspecturis quod cum uir nobilis dominus Johannes dominus de Thar laude domine Eustacie uxoris sue michi uendiderit dederit et concesserit ad uitam meam usque ad quater uiginti arpenta de nemore suo de Thar quod uocatur Broisse sito super la Uieranne prout agia clauditur et mete sunt pro omni uoluntate mea facienda cum omnibus pactis et conuentionibus in litteris super hoc confectis contentis et saluo quod si in dictis quater uiginti arpentis uel eorum iuribus ueneratur ad emendam sexaginta quinque solidorum monete currentis si pallicem uel agiam aut terrallum rumperet aut ibi dampnum inferret aliud michi tenetur ad uoluntatem et requisitionem meam uel mandati mei Confiteor et assero quod post decessum meum dicta quater uiginti arpenta nemoris cum eorum iuribus et pertinenciis ad dictum dominum de Thar et ad eius heredes pacifice reuertentur In cuius rei testimonium litteris istis sigilla uirorum uenerabilium domini Petri decani capelle Ducis et magistri Alberici decani Christianitatis Diuionensis rogaui et feci apponi Actum anno et mense predictis