Charter Document - 05280035

In nomine Domini amen Anno incarnationis eiusdem millesimo ducentesimo sexagesimo sexto mense iulio nos Guillelmus dictus Fornequar Thomas Marguaritta et Perellus ac Prenons liberi defuncti Stephani dicti Chancepie cordubinarii Dyuionensis et Petrus dictus Moffloz notum facimus omnibus presentes litteras inspecturis quod nos sponte prouide sine ui et metu et sine qualibet circonuentione pro utilitatibus et necessitatibus nostris et specialiter ego Petrus Moffloz predictus pro utilitate Stephani pupilli mei uendidimus concessimus et quittauimus in hereditatem perpetuam uiro uenerabili magistro Alberico decano Christianitatis Dyuionensis domum que fuit predicti Stephani Chaucepie cum manso et omnibus iuribus et pertinenciis ipsius domus que domus sita est Dyuione ex latere monasterii Sancti Michaelis in uico qui dicitur uicus Pautinorum iuxta domum predicti Alberici decani ex una parte iuxta domum domini Griffonis presbyteri ex altera uidelicet precio decem et nouem librarum monete Uiennensis de quibus a dicto decano plenam perfectam et integram solutionem recepimus et habuimus in pecunia numerata propter quod de dicta domo et de manso et omnibus iuribus et pertinenciis ipsius nos omnino deuestiuimus et dictum decanum corporaliter inuestiuimus et tenemur et promittimus sub obligatione bonorum nostrorum omnium mobilium et immobilium presentium et futurorum et per sacramentum nostrum pro nobis et nostris heredibus quos ad hoc obligamus prestitum super sancta Dei euangelia corporale dictam domum cum eius manso et pertinenciis prout de uico in uicum se ingerunt garantire dicto decano et eius heredibus perpetuo contra omnes et nos pro eis semper ubique locorum et in omnia curia contra personas omnes opponere propter hoc et respondere propriis sumptibus et in nos litis onus suscipere ac eos inde conseruare modis omnibus indempnes si qui calumpniatores apparerent quod absit et in nullo de cetero per nos uel per alios uerbo uel facto seu consensu aut iure aut consuetudine uel modo alio contraire salua quarta una olei de nucibus que super dictam domum debetur censualiter ecclesie Sancti Stephani Dyuionensis Uenditionem aut solutionem uestituram et omnes conuentiones predictas ego Comitissa uxor quondam predicti Stephani Chaucepie et ego Belefamme filia eiusdem Stephani laudamus et ratas et firmas habemus et tenere ac obseruare perpetuo promittimus iuramento prestito super sancta Dei euangelia corporale et in nullo de cetero per nos uel per alios contraire ratione dotis uel donationis aut portionis uel maritagii integre uel competentus non habite seu non habiti uel auerie uel modo alio qualicumque Renuntiamus autem in hoc facto nos omnes et singuli supradicti per sacramentum nostrum exceptioni non numerate et non recepte pecunie et exceptioni deceptionis ultra dimidiam justi precii exceptioni doli in factum omni auxilio iuris consuetudinis et facti omnibus iuribus auxiliis et gratiis in fauorem mulierum introductis etatis minoris et cuiuslibet potestatis auxilio et omnibus exceptionibus defensionibus actionibus auxiliis gratiis indulgentiis statutis iuribus et aliis quibuscumque que possent obici contra hoc instrumentum uel factum et que nobis possent in hoc facto prodesse dicto decano uel eius heredibus nocere et etiam iuri dicenti generalem renunciationem non ualere In quorum omnium testimonium et munimen presentibus litteris sigilla uirorum uenerabilium domini Amidei abbatis Sancti Stephani Diuionensis et domini Petri decani capelle Ducis Diuionensis rogauimus et supplicauimus apponi Actum anno et mense predictis