Charter Document - 05280033
| Charter Number: | 05280033 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1266 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Robertus filius quondam Guillelmi dicti le Mouton de Fauuerneio militis notum facio omnibus presentes litteras inspecturis quod ego donationem et concessionem quam predictus pater meus fecit in puram et perpetuam elemosinam Dei et ecclesie Beati Stephani Diuionensis super totam minutam decimam de Maigneo super Tylam quam de alodio proprio tenebat ac etiam possidebat videlicet agnorum porcorum uitulorum pullorum canabi fabarum pisorum et alterius cuiuscumque leguminis necnon et omnium aliorum cuiuscumque speciei existant ad dictam decimam pertinentium uolo laudo benigniter et concedo et ratas et firmas habeo promittens per sacramentum meum corporaliter prestitum quod contra predictam elemosinam uel donationem et concessionem eiusdem per me uel per alium non ueniam de cetero nec uenire per alium faciam aut permittam in posterum tacite uel expresse Sed eamdem elemosinam teneor ac promitto fideliter ac inuiolabiliter obseruare ac etiam garantire abbati et conuentui Sancti Stephani Diuionensis nomine ecclesie sue supradicte et deffendere contra omnes et ad obseruationem omnium predictorum me et heredes meos specialiter obligo In cuius rei testimonium presentibus litteris sigilla uirorum uenerabilium domini Petri dicti de Barro decani capelle Ducis Dyuionensis et magistri Alberici decani Christianitatis eiusdem uille feci et rogaui apponi Actum anno Domini millesimo ducentesimo sexagesimo sexto mense aprilis