Charter Document - 05280032

In nomine Domini amen Anno incarnationis eiusdem MCC sexagesimo sexto mense aprilis ego Luca quondam uxor domini Johannis de Ulmis militis defuncti et nos Guillelmus et Guillelmus filii eorundem domini Johannis et domine Luque notum facimus omnibus presentes litteras inspecturis quod nos prouida deliberatione non in aliquo circonuenti pro utilitate et necessitate nostra uendidimus concessimus et quittauimus in hereditatem perpetuam uiris uenerabilibus et religiosis abbati et conuentui Sancti Stephani Diuionensis tertiam partem tertie partis medietatis sedis cuiusdam molendini siti supra Tylam et omnium iurium et pertinenciarum dicte sedis in aquis aquarum decursibus piscaturis fundo bisso inferius et superius sitis bannis et redditu bladi et in omnibus exitibus bonis et commodis et aliis omnibus quibuscumque Que sedes sita est supra pratum dictorum abbatis et conuentus quod uocatur Espaillart et uocatur illa sedes molendinum de Tyle situm inter Genleium et Waranges De cuius uenditionis precio iusto legittimo plenum et integrum pagamentum recepimus et habuimus in pecunia numerata et propter hoc de tertia parte tertie partis medietatis sedis molendini predicti et omnium iurium et pertinenciarium ipsius nos penitus deuestientes dictos abbatem et conuentum corporaliter inuestiuimus per manum domini Amidei nunc abbatis dicti loci Et tenemur et promittimus quilibet in solidum et pro toto sub obligatione bonorum nostrorum omnium mobilium et immobilium presentium et futurorum et per sacramentum nostrum pro nobis et nostris heredibus quos ad hoc obligamus prestitum supra sancta Dei euangelia corporale tertiam partem tertie partis medietatis sedis predicti et omnium iurium et pertinenciarum ipsius garantire dictis abbati et conuentui et eorum successoribus perpetuo contra omnes in allodium liberum et nos pro eis semper et ubique locorum et in omni curia contra personas omnes opponere propter hoc et respondere propriis sumptibus et eos inde conseruare modis omnibus indempnes si qui calumpmatores apparerent quod absit et in nullo de cetero per nos uel per alios uerbo uel facto seu consensu aut modo alio qualicumque renuntiantes in hoc facto exceptioni non numerati et non habiti integre precii et exceptioni doli in factum iuri dicenti uenditionem sine certo precio non ualere et omni auxilio iuris et consuetudinis et facti In cuius rei testimonium litteris inter sigilla uirorum uenerabilium domini Petri decani capelle Ducis et magistri Alberici decani Christianitatis Dyuionensis rogauimus et fecimus apponi Actum anno et mense predictis