Charter Document - 05280029

In nomine Domini amen Anno incarnationis eiusdem millesimo ducentesimo sexagesimo quinto mense julio ego Guillermus de Burco clericus Dyuionensis mense sanus licet infirmus corpore notum facio omnibus presentes litteras inspecturis quod ego prouida deliberatione considerans quod nichil est morte certius et nobis incertius hora mortis ob hoc ego diem extreme messionis operibus misericordie preuenire et anime mee et animarum antecessorum meorum et successorum quieti et saluti prouidere cupiens instituo missam unam in Hospitali Beate Uirginis Marie Dyuionensis cui misse do et concedo pro me et antecessoribus ac successoribus meis in perpetuum in honore Beate Uirginis Marie stallum unum qui fuit Naelotti Uaicherii situm Dyuione in Foro Ueteri iuxta stallum dicti Hospitalis Beate Marie ex una parte iuxta stallum Roberti Graindorge ex altera stallum qui fuit Uualteri Seuigne situm in foro predicto iuxta stallum Uienini de Arcu ex una parte et iuxta stallum Maignotti dicti Troaut ex altera stallum qui fuit Aucrespot situm in foro predicto iuxta stallum Garre dicti Arnaut ex una parte et iuxta stallum Martini Ferperri ex altera stallum qui fuit Richardi Plusbele situm in foro predicto iuxta stallum Sylone relicte Guidonis de Sauz stallum qui fuit Roberti Graindorge situm in foro predicto iuxta stallum Uualteri de Tilecastro et stallum Robeloti Ebrardi situm in foro predicto iuxta stallum filiorum Arnaut item stallum unum situm in foro nouo iuxta stallum Uualcheri de Arcu stallum situm in foro ueteri iuxta stallum Richardi Plusbele item stallum qui fuit Gelioti Chopillart situm in foro ueteri iuxta stallum Cistertiensem item stallum qui fuit Uualteri Seuigne situm in foro ueteri inter stallos Hospitalis Beate Marie hinc inde et stallum qui fuit Michaelis de Tenisse situm in foro ueteri iuxta stallum Hospitalis Diuitum item stallum in foro ueteri iuxta stallum Clare filie Odonis Montoillot et stallum alium situm in foro nouo iuxta stallum Fardelli carnificis Item trado delibero atque quitto in agmentatione misse predicte cameras meas que uocantur camere Blainenot sitas in Castro Dyuionensi iuxta torcular Odete relicte Thome de Burco fratris mei Item do concedo atque quitto misse predicte et ad seruicium altaris misse predicte duo uermaria et centum solidos Uiennenses pro ornamentis emendis ad opus altaris predicti Predictam uero missam dedi domino Girardo presbitero me itaque post eius decessum ipsam si superuixero dabo cuicumque uoluero et post decessum meum illo cui missam dictam dedero sublato de medio uir uenerabilis abbas Sancti Stephani Diuionensis qui pro tempore fuerit dabit cuicumque uolerit tamen presbitero seculari presbiter uero constitutus ad missam predictam eam ter in ebdomada celebrare tenebitur per se uel per idoneum sacerdotem nec ad aliud seruicium tenebitur celebrandum et missam predictam post euangelium magne misse uel post magnam missam si uoluerit celebrabit