Charter Document - 05280026
| Charter Number: | 05280026 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1264 - 1265 |
| Date type: | Internal, A.D., Feast |
| Resource Link(s): |
|
Charter:
Uniuersis presentes litteras inspecturis officialis Lingonensis salutem in domino Nouerit uniuersitas uestra quod Iohanneta filia quondam Huonis dicti Cornel militis uxor Gaufridi domicelli filii quondam domini Iohannis de Auellanges militis in nostra presentia propter hoc personaliter constituta donationem et concessionem quam idem Gaufridus fecit in puram et perpetuam elemosinam magistro et fratribus Domus Dei de Tilicastro de una mina conselli ad mensuram de Sauz reddenda et soluenda annuatim in perpetuum ab ipso Gaufrido et heredibus suis dictis magistro et fratribus uel eorum mandato apud Auellanges de blado quod habebit idem Gaufridus in parte quam habet et percepit in decima de Auellanges uel de equiualente consello uel meliori si dicta pars decime ad solutionem mine non sufficeret supradicta laudauit ratam habuit et firmam et eam firmiter approbauit promittens eadem Iohanneta per fidem suam in manu nostra corporaliter prestitam quod contra dictam donationem non ueniet per se uel per alium tacite uel expresse renuntians in hoc facto per dictam fidem suam omni beneficio et auxilio iuris sibi competentis tam ratione dotis seu dottalicii quam ratione alia qualicumque et omnibus aliis iuris auxiliis ac exceptionibus sibi competentibus uel que in posterum competere possent ad eludendam donationem supradictam tam iuris canonici quam ciuilis In cuius rei testimonium sigillum curie Lingonensis ad requisitionem dicte Johannete duximus presentibus litteris apponendum Datum die ueneris ante dominicam qua cantatur Esto michi anno domini MCC sexagesimo quarto