Charter Document - 05280024
| Charter Number: | 05280024 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1264 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis euisdem millesimo ducentesimo sexagesimo quarto mense octobri ego Guillelmus miles dominus de Duismo notum facio omnibus presentes litteras inspecturis quod ego pro remedio mee anime et antecessorum meorum dedi concedi et assedi in puram et perpetuam elemosinam hospitali Domus Dei de Brochon duas eminas bladi ad mensuram Diuionensem medietatem frumenti et medietatem auene annuatim de cetero percipiendas et habendas in festo Sancti Remigii in capite octobris in molendino meo de Salone la Rue quod molendinum dicitur molendinum a la Saulce uel in grangia mea eiusdem uille Et ad solutionem de predictis duabus eminis bladi quolibet anno de cetero faciendam dictum molendinum et dictam grangiam et alia omnia bona mea et me et heredes meos in perpetuum obligaui promittens bona fide quod contra concessionem et donationem predictas per me uel per alium non ueniam in futurum In cuius rei testimonium presentibus litteris sigilla uirorum uenerabilium domini Petri decani capelle Ducis et magistri Alberici decani Christianitatis Diuionensis una cum sigillo meo feci apponi Actum anno et mense predictis