Charter Document - 05280023
| Charter Number: | 05280023 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1264 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo ducentesimo sexagimo quarto mense iunio ego Unillermus filius defuncti Hugoneti dicti Louglout notum facio omnibus presentes litteras inspecturis quod ego sponte prouide sine ui et metu et sine qualibet circonuentione pro utilitate et necessitate mea uendidi concessi et quittaui in hereditatem perpetuam uiris religiosis abbati et conuentui ecclesie Sancti Stephani Diuionensis domum meam cum manso et omnibus pertinenciis ipsius sitam Diuione in Burco iuxta domum Parisetti de Barra ex una parte et iuxta domum heredum defuncti Roberti de Castellione ex altera De cuius uenditionis precio iusto et legittimo plenam perfectam et integram solutionem recepi et habui in pecunia numerata et propter hoc de dicta domo et de manso et omnibus pertinenciis ipsius ego me penitus deuestiens dictos abbatem et conuentum corporaliter inuestiui Et teneor et promitto sub obligatione bonorum meorum mobilium et immobilium presentium et futurorum et per sacramentum meum pro me et meis heredibus quos ad hoc obligo prestitum super sancta Dei euangelia corporale dictam domum cum manso et omnibus pertinenciis ipsius garantire dictis abbati et conuentui et eorum successoribus perpetuo contra omnes et me pro eis semper et ubique locorum et in omni curia contra personas omnes opponere propter hoc et respondere propriis sumptibus et in me litis onus suscipere ac eos inde conseruare modis omnibus indempnes si qui calumpniatores apparerent quod absit et in nullo de cetero per me uel per alium uerbo uel facto seu consensu aut modo alio contraire His autem completis et pactis omnibus retinui et accepi ad censam perpetuam pro me et meis heredibus presentibus et futuris a dictis abbate et conuentu dictam domum cum eius manso et pertinenciis pro viginti solidos monete Uiennensis censualibus et de annuo et perpetuo redditu quos teneor et promitto reddere et soluere per sacramentum meum predictum singulis annis et perpetuum de cetero dictis abbati et conuentui uel eorum mandato in die ueneris post festum Natiuitatis Beate Marie Virginis et dictam domum cum eius manso et pertinenciis in bono statu tenere et nisi dicti uiginti solidi dicta die soluti fuerint annuatim uolo et obligo me et meos heredes teneri dictis abbati et conuentui in crastino dicte diei ad emendam quinque solidorum monete predicte et ut ipsi extunc auctoritate propria et sine clamore cuiuslibet curie dicte domus et mansi et pertinenciarum ipsius intrent et intrare debeant possessionem et dominium et ipsam teneant et ex ipsa fructus suos modis omnibus faciant quousque dicti uiginti solidi cum emenda predicta pro quolibet anno quo soluti non fuerint integre persoluantur eisdem et ad predicta omnia tenenda facienda et obseruanda dictam domum cum eius manso et pertinenciis et me et meos heredes et illos qui eam tenebunt pro tempore dictis abbati et conuentui specialiter in perpetuum obligo Hec autem omnia prout diuisa sunt superius ego Sybilla uxor dicti Unillermi laudo et rata ac firma habeo et tenere et obseruare perpetuo promitto iuramento prestito super sancta Dei euangelia corporali et in nullo de cetero per me uel per alium ratione dotis uel donationis propter nuptias aut auerie uel modo alio contraire Renuntiamus autem nos Unillermus et Sybilla predicti in hoc facto ex certa scientia exceptioni non numerati et non habiti integre precii et exceptioni minoris aut deceptionis ultra dimidiam iusti precii exceptioni doli metus et in factum et omnibus priuilegiis et gratiis in fauorem mulierum introductis et omni auxilio iuris et consuetudinis et omnibus defensionibus exceptionibus occasionibus iuribus et aliis quibuscumque que possent obici contra hoc instrumentum uel factum Hanc autem emptionem soluit et tradidit de suis denariis propriis Joannes dictus de Scrinia ciuis Lingonensis pro anniuersario Guiotti filii sui defuncti qui in ecclesiam Sancti Stephani predicti traditus est ecclesiastice sepulture et pro anniuersario aliorum liberorum suorum defunctorum singulis annis in eadem ecclesia perpetuo faciendo In quorum omnium testimonium et munimen presentibus litteris sigilla uirorum domini uenerabilium Petri decani capelle Ducis et magistri Alberici decani Christianitatis Diuionensis rogauimus et fecimus apponi Actum anno et mense predictis