Charter Document - 05280021
| Charter Number: | 05280021 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1263 - 1264 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Robertus dictus li Moutenaz domicellus filius defuncti domini Uuillermi le Mouton militis notum facio uniuersis presentes litteras inspecturis quod ego anime mee et antecessorum meorum saluti providere cupiens dedi et concessi in puram et perpetuam elemosinam Deo et prioratui de Fauerneio tria iornalia terre arabilis sita in finagio de Fauernio ubi dicitur en Cucheuesin secus uiam que tendit a Fauerneio en Chassaigne iuxta campum domini de Cortiuron ex una parte et iuxta terram Perelli de Fauerneio filii defunctis Johannis Barberis ex altera Dedi etiam et concessi in perpetuum Deo et prioratui predicto decimam plante mee uinee site apud Fauerneium subtus uineam domini de Fauerneio inter fossata dicti domini de Fauerneio et domum meam de Fauerneio uidelicet sextum decimum sextarium uini tocius dicte plante persoluendum et reddendum in perpetuum dicto priori in uindemiis Et si forte quod absit contingeret dictam uineam ad agriculturam casu aliquo deuenire teneor et promitto rectam decimam persoluere uel facere persolui priori qui pro tempore fuerit in prioratu predicto uel mandato suo secundum usus et consuetudines terrarum arabilium in finagio Fauerneii supradicti Et hec omnia prout superius sunt diuisa teneor et promitto dicto prioratui garantire et fideliter obseruare et in perpetuam deffendere contra omnes sacramento super hoc prestito corporali Ego autem Uuillermus dominus Fauerneii de cujus feodo predicta omnia mouent predictam elemosinam a dicto Roberto factam laudo et approbo ac confirmo et in perpetuum ratam habere promitto promittens me de cetero contra dictam elemosinam non uenire In cuius rei testimonium nos Robertus et Uuillermus predicti presentibus litteris sigilla uirorum uenerabilium domini Petri dicti de Barro decani capelle Ducis et magistri Alberici decani Christianitatis Diuionensis fecimus et rogauimus apponi Actum anno Domini MCC sexagesimo tertio mense martio