Charter Document - 05280020
| Charter Number: | 05280020 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1263 - 1264 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo ducentesimo sexagesimo tertio mense februario ego Emeniardis filia defuncti Petri de Rufeo notum facio omnibus presentes litteras inspecturis quod ego sponte prouide sine ui et metu et sine qualibet circonuentione pro utilitate et necessitate mea uendidi concessi et quittaui in hereditatem perpetuam magistri et fratribus Domus Dei de Tilicastro peciam unam uinee mouentem de meo capite liberam ab omni onere pro recta decima et recto censu sitam in territorio ubi dicitur en Ualemin iuxta uineam dictorum magistri et fratrum ex una parte et iuxta uineam liberorum defuncti Bartholomei Olearii ex altera De cuius uenditionis precio iusto et legittimo plenam perfectam et integram solutionem recepi et habui in pecunia numerata et propter hoc ego de dicta pecia uinee me penitus deuestiens dictos magistrum et fratres corporaliter inestiui et in uerum dominium et possessionem corporalem ueram et perpetuam induxi Uenditionem autem solutionem et uestituram predictas ego Girardus de Curia Arnulphi maritus dicte Emeniardis laudo et approbo et eas de uoluntate mea confiteor esse factas Insuper nos Emeniardis et Girardus predicti tenemur et promittimus quilibet in solidum et pro toto sub obligatione bonorum nostrorum omnium mobilium et immobilium presentium et futurorum et per sacramentum nostrum pro nobis et nostris heredibus quos ad hoc obligamus prestitum corporale dictam peciam uinee garantire liberam ab omni onere pro recta decima et recto sensu dictis magistris et fratribus et eorum successoribus perpetuo contra omnes et nos pro eis semper et ubique locorum et in omni curia contra personas omnes opponere propter hoc et respondere propriis sumptibus et eos inde conseruare modis omnibus indempnes si qui calumpniatores apparerent quod absit et in nullo contraire de cetero per me uel per alios uerbo uel facto seu consensu uel iure canonici uel ciuili seu consuetudinario uel modo alio qualicumque Renuntiamus autem quilibet in solidum et pro toto in hoc facto exceptioni non habiti et non recepti integre precii iusti et legittimi et exceptioni minoris uel deceptionis ultra dimidiam iusti precii et exceptioni doli metus et in factum et omni auxilio iuris canonici et ciuilis et omni consuetudini et statuto cuiuslibet patrie et omnibus iuribus auxiliis et gratiis ac priuilegiis in fauorem mulierum introductis et omnibus defensionibus occasionibus exceptionibus et iuribus et aliis quibuscumque que possent obici contra hoc instrumentum uel factum Hec autem omnia prout superius expressa sunt ego Durandus frater Emeniardis laudo et rata et firma habeo et in perpetuum habere et in nullo contraire per me uel per alium de cetero aliquo iure uel modo quolibet promitto per sacramentum meum prestitum corporaliter In quorum testimonium nos Emeniardis Girardus et Durandus predicti presentibus litteris sigilla uirorum uenerabilium domini Petri decani capelle ducis et magistri Alberici decani Christianitatis rogauimus et fecimus apponi Actum anno et mense predictis