Charter Document - 05280019

In nomine Domini amen Anno incarnationis eiusdem MCC sexagesimo tertio mense ianuario ego Poncetus de Sauz dominus de Ventous notum facio omnibus presentes litteras inspecturis quod cum discordia uerteretur inter me pro me et hominibus meis de Ventous ex una parte et uiros uenerabiles et religiosos abbatem et conuentum Sancti Stephani Diuionensis pro se et eorum hominibus de Aqueductu et de Asneriis ex altera super usagiis hinc inde pasturagiorum nemorum de Aqueductu de Asneriis et de Ventous et pasturagiis finagiorum ipsarum uillarum et homines Aqueductus dicerent inter cetera se libere plenarie et sine banno et absque contradictione cuiuslibet uti debere ab antiquo et a tempore quo non extat memoria in pasturagiis nemorum et aliis pasturagiis de Ventous pro redditu consueto reddendo inferius contento tandem bonis uiris mediantibus super his in hunc modum pax amicabilis interuenit uidelicet quod animalia abbatis et conuentus predictorum et hominum suorum de Aqueductu cuiuscumque sint generis quantumcumque et quotienscumque eis placuit semper et in perpetuum usuabunt et pasturabunt et usuare et pasturare possunt et debent libere et plenarie et sine banno et absque contradictione qualibet pro redditu consueto inferius contento in pasturagiis nemorum de Ventous siue scindantur de nouo siue non et in aliis pasturagiis nemorum et aliis pasturagiis finagiorum dicte uille ita quod si animalia predicta in bladis finagiorum de Ventous dampnum fecerint ipsum ad estimationem bonorum uirorum sine emenda restituere tenebuntur Animalia uero domini et hominum de Asneriis cuiuscumque sint generis usuabunt et pasturabunt in pasturagiis nemorum et aliis pasturagiis de Ventous et finagiorum eiusdem uille et usuare et pasturare possunt et debent libere ita quod si animalia de Asneriis predicta in bladis finagiorum de Ventous dampnum fecerint ipsum ad estimationem bonorum uirorum sine emenda restituere tenebuntur Et si ego uel successores mei domini de Ventous nemora de Ventous in toto uel in parte scindere fecerimus a tempore quo scindi incipient per tres annos continuos cessabunt animalia domini et hominum de Asneriis ab usagio dictorum nemorum que scindentur et si ego uel dominus de Ventous partem aliquam ipsorum nemorum scindere fecerimus in parte que non scindetur animalia domini et hominum de Asneriis usuabunt et poterunt usuare et siue scindantur supradicta nemora de Ventous siue non nichilhominus animalia dictorum abbatis et conventus et hominum de Aqueductu usuabunt et pasturabunt et usuare et pasturare poterunt in nemoribus supradictis et si infra illos tres annos animalia hominum de Ventous in ipsis nemoribus de Ventous usuauerint et pasturauerint animalia domini et hominum de Asneriis per ipsos tres annos libere et sine contradictione qualibet in pasturagiis ipsorum nemorum prout animalia hominum de Ventous usuabunt in eis et pasturabunt sine emenda usuare poterunt et plenarie pasturare Uerumptamen animalia dictorum abbatis et conuentus et suorum hominum de Aqueductu per ipsos tres annos semper et continue utrum animalia de Ventous et de Asneriis in ipsis nemoribus usuent uel non in eisdem sine emenda pasturabunt Similiter animalia domini et hominum de Ventous in pasturagiis nemorum et aliis pasturagiis finagiorum de Aqueductu et de Asneriis usuabunt et pasturabunt prout de animalibus Asneriarum superius est expressum ita quod si abbas Sancti Stephani qui pro tempore fuerit nemora de Asneriis et de Aqueductu scindere fecerit extunc animalia de Ventous per tres annos continuos cessabunt ab usagio et pasturagiis nemorum predictorum saluo quod si infra illos tres annos animalia hominum de Aqueductu et de Asneriis in nemoribus eorumdem locorum pasturauerint animalia hominum de Ventous per ipsos tres annos libere et sine contradictione qualibet in pasturagiis eorumdem nemorum prout animalia hominum de Asneriis et de Aqueductu usuabunt et pasturabunt et usuare poterunt et etiam pastuare et siue scindentur ipsa nemora siue non animalia dictorum abbatis et conuentus semper in eis usuare poterunt et plenarie pasturare Sciendum autem quod homines de Aqueductu in nemoribus de Ventous nemus jacens et scissum nemus mortuum et remanentia nemoris uiridis scissi escherecons forchiez et roortas pro fessiculis eorum capere poterunt et nemus siccum eradicare et portare semper libere sine emenda et sine dampno reddendo pro sue libito uoluntatis Redditus uero que pro predictis debent dicti homines de Aqueductu talis est quodlibet animal trahens quod ibit in pasturagiis de Ventous debet annuatim proxima dominica post Annuntiationem Beate Marie Virginis michi uel domini de Ventous duos boissellos auene quorum sex faciunt quartallum exceptis animalibus dictorum abbatis et conuentus et quilibet focus de Aqueductu exceptis foco abbatis et foco canonici et focis presbyterorum et clericorum qui non sunt uxorati octo denarios in crastino Natiuitatis Domini et si tenens focum apud Aqueductum exceptis predictis dictos octo denarios non soluerit et infra annum inuentus fuerit in usagiis quibus uti debent alii homines de Aqueductu in finagiis de Ventous michi uel domino de Ventous ad emendam septem solidorum tenebitur Item quodlibet animal trahens emptum de nouo exceptis animalibus dictorum abbatis et conuentus debet seruienti meo uel domini de Ventous dimidium sextarium uini nec de peiori nec de meliori itaque quod ipsum animal ire non debet in pasturagiis de Ventous donec de dicto dimidio sextario uini sit seruienti predicto satisfactum et si infra annum dicto uino non soluto in pasturagiis de Ventous inuentum fuerit ille cui erit ipsum animal ad emendam septem solidorum domino de Ventous tenebitur Dicta uero dominica post dictam Annuntiationem qua seruiens meus uel successorum meorum dominorum de Ventous ueniet dictum redditum excipere dicti abbas et conuentus debent ei et sex aliis qui cum eo uenient annuatim panem et uinum et coquinam et pisciculos et buignoz In quorum omnium testimonium et munimen presentibus litteris sigilla uirorum uenerabilium domini Petri decani capelle ducis et magistri Alberici decani Christianitatis Diuionensis rogaui et feci apponi Actum anno et mense predictis