Charter Document - 05280018
| Charter Number: | 05280018 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1263 - 1264 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo ducentesimo sexagesimo tertio mense ianuario ego Andreas dictus Tonneliers notum facio omnibus presentes litteras inspecturis quod laude et consensu Oudenot uxoris mee pro utilitate et necessitate mea uendidi concessi et quittaui in hereditatem perpetuam magistro et fratribus Domus Dei de Tilicastro unam peciam uinee sitam in territorio de Fontenes ubi dictur en Champ Comenel iuxta uineam Lamberti de Valle ex una parte et iuxta quarteria ex altera et que se ingerit supra uineam Renaudi de Vilebichot De cuius uenditionis precio plenam perfectam et integram solutionem recepi in pecunia numerata et propter hoc de dicta pecia uinee me omnino deuestiens predictos magistrum et fratres corporaliter inuestiui Et teneor et promitto sub obligatione bonorum meorum mobilium et immobilium presentium et futurorum et per sacramentum pro me et heredibus quos ad hoc obligaui specialiter corporaliter prestitum dictam peciam uinee garantire predictis magistro et fratribus contra omnes In quorum testimonium et munimen sigilla uirorum uenerabilium domini Petri decani capelle Ducis et magistri Alberici decani Christianitatis Diuionensis presentibus litteris feci apponi Actum anno et mense predictis