Charter Document - 05280016
| Charter Number: | 05280016 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Religious |
| Charter Type(s): | Quittance |
| Date: | 1263 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis frater Amideus permissione diuina humilis abbas totusque conuentus ecclesie Sancti Stephani Diuionensis in Domino salutem Noueritis quod nos recepimus et habuimus ab executoribus testamenti defuncti Bertrandi Pelerin quondam camerarii domini Ducis Burgundie sexaginta libras monete Uiennensis quas nobis idem Bertrandus in testamento suo legauit et dedit pro anniuersario suo singulis annis in ecclesia nostra perpetuo faciendo Pro quibus sexaginta libris dicte monete assedimus sexaginta solidos eiusdem monete percipiendos et habendos et in pictantiam conuentus ecclesie nostre conuertendos annuatim de cetero die predicti anniuersarii quod annuatim in ecclesia nostra fiet super census et redditus quos habemus super furnum de Castro mouentem de feodo ecclesie nostre et super domum lapideam que fuit domini Lamberti de Roura militis et super domos et pertinencias dicti furni et domus lapidee supradicte In cuius rei testimonium presentibus litteris sigilla nostra apposuimus Acta anno millesimo ducentesimo sexagesimo tertio mense nouembri