Charter Document - 05280014
| Charter Number: | 05280014 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Declaration |
| Date: | 1263 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem MCC sexagesimo tertio mense septembris ego Regina filia domini Henrici de Montibus militis defuncti notum facio omnibus presentes litteras inspecturis quod tertia pars tocius decime bladi qualiscumque uillarum et finagiorum de Stabulis et de Darrois est et mouet de feodo religiosi uiri domini abbatis ecclesie Sancti Stephani Diuionensis ratione ecclesie memorate uidelicet illa tertia pars quam idem dominus Haymo tenet a me propter quod deprecor ipsum dominum Haymonem ut ipse de predicta tertia parte dicte decime intret hominagium dicti domini abbatis et successorum suorum supplicans ipsi domino abbati ut ipse dictum dominum Haymonem et eius heredes de herede in heredem recipiat in hominem de ipsa tertia parte decime supradicte Et ego Haymo de Stabulis miles confiteor quod ego et heredes mei tenemur et teneri debemus in feodum a predicto domino abbate et eius successoribus tertiam partem decime supradicte et propter hoc ipsam tertiam partem decime a dicto domino abbate et successoribus suis in feodum laude uoluntate et assensu dicte Regine et Guillelmi de Longo Vado mariti sui reaccepi et hominagium dicti domini abbatis et successorum suorum de ipsa tertia parte decime intraui Que omnia supradicta ego Guillelmus de Longo Vado maritus dicte Regine uera esse confiteor et hec omnia de uoluntate mea et consilio meo confiteor specialiter esse facta In cuius rei testimonium nos Regina Haymo et Guillelmus predicti presentibus litteris sigilla uirorum uenerabilium domini Petri decani capelle ducis et magistri Alberici decani Christianitatis Dyuionensis rogauimus et fecimus apponi Actum anno et mense predictis