Charter Document - 05280013
| Charter Number: | 05280013 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1263 |
| Date type: | Internal, A.D. |
| Resource Link(s): |
|
Charter:
In domine Domini amen Anno incarnationis eiusdem MCC sexagesimo tertio mense aprilis ego Osanna filia defuncti Uienneti de Tasnay notum facio omnibus presentes litteras inspecturis quod cum uiri religiosi abbas et conuentus ecclesie Sancti Stephani Dyuionensis michi dederint concesserint et quittauerint in hereditatem perpetuam peciam unam uinee que fuit Perrini Lauurier continentem circiter dimidium iornale sitam in finagio ubi dicitur en la Cuperie iuxta uineam Milonis Billotte ex una parte et iuxta uineam Gelyotti de Roura ex altera ego pro me et meis heredibus presentibus et futuris sponte prouide sine ui et metu et sine qualibet circonuentione dedi concessi et quittaui in hereditatem perpetuam predictis abbati et conuentui bichottum unum frumenti quem de annuo et perpetuo percipiebam et habebam in decima eorum de Mirebello et de ipso bichotto frumenti predictos abbatem et conuentum et eorum ecclesiam cum predicta decima quitto penitus in perpetuum et absoluo ac de ipso bichotto frumenti percipiendo et habendo modo et forma predictis abbatem et conuentum et eorum ecclesiam corporaliter inuestiui et teneor et promitto sub obligatione bonorum meorum omnium mobilium et immobilium presentium et futurorum et per sacramentum meum pro me et meis heredibus quos ad hoc obligo prestitum corporale predictis abbati et conuentui et eorum successoribus super hoc portare garantiam perpetuo contra omnes et me pro ipsis semper et ubique locorum et in omni curia contra personas omnes opponere propter hoc et respondere propriis sumptibus et eos inde conseruare modis omnibus indempnes si qui calumpniatores apparerent quod absit et in nullo de cetero per me uel per alium uerbo uel facto seu consensu aut iure canonico uel ciuili seu consuetudinario uel ratione minoris ualoris aut modo alio contraire Hec autem omnia et singula supradicta ego Girardus Tonnelarius maritus dicte Osanne laudo uolo et concedo et ea omnia de uoluntate mea et consilio meo confiteor specialiter esse facta promittens per sacramentum meum corporaliter prestitum contra premissa uel aliquid premissorum de cetero per me uel per alium non uenire uerbo uel facto seu consensu aut modo alio qualicumque In quorum omnium testimonium nos Osanna et Girardus predicti presentibus litteris sigilla uirorum uenerabilium domini Petri decani capelle Ducis et magistri Alberici decani Christianitatis Dyuionensis rogauimus et fecimus apponi Actum anno et mense predictis