Charter Document - 05280012

In nomine Domini amen Anno incarnationis eiusdem millesimo ducentesimo sexagesimo tertio mense aprilis ego Petrus filius defuncti Hugonis de Cuintigneio notum facio omnibus presentes litteras inspecturis quod ego prouida deliberatione non in aliquo circonuentus nec dolo ductus pro utilitate et necessitate mea uendidi concessi et quittaui in hereditatem perpetuam uiro uenerabili magistro Alberico decano christianitatis Dyuionensis domum meam lapideam cum cellario subtus sito et mansos ante et retro sitos cum omnibus iuribus et pertinenciis domus et mansorum predictorum uidelicet mansum retro situm usque ad relletam et mansum ante situm cum eius iuribus et pertinenciis prout de longo in longum et de largo in largum se ingerit a dicta domo lapidea usque ad querram domus lapidee dicti decani contigue torculari Petri de Priceio defuncti et ab illa querra usque ad mansum Constantini dicti Mairot fratris mei Uendidi insuper concessi et quittaui in hereditatem perpetuam decano predicto mansum alium ibidem situm prout de longo in longum et de largo in largum se ingerit inter pratellum Odonis fratris mei et torcular et mansum que fuerunt Petri dicti de Priceio et a manso superius nominato et uendito usque ad columpnam posteriorem domus lignee dicti Odonis fratris mei predicti et sciendum quod uoleria contigua dicte domui lignee Odonis fratris mei predicti cum eius manso prout de longo in longum et de largo in largum se ingerit usque ad mansum nominatum uenditum superius dictis decano et Odoni et eorum heredibus communis remanet ita quod dictus Odo uel eius heredes in ipsa uoleria uel eius manso edificare uel eam aut eius mansum claudere aut obstruere aut modo aliquo impedire non possunt nec debent per se uel per alium cum dictus decanus et eius heredes egressum et exitum eundo et ueniendo ad domum lapideam superius uenditam et eius cellarium libere sine quolibet impedimento in omnibus eorum aisantiis quibuscumque De precio autem uenditionis omnium predictorum iusto et legittimo plenam perfectam et integram solutionem a dicto decano recepi et habui in pecunia numerata et propter hoc de predictis omnibus et singulis prout in uenditione presenti et in conuentionibus super hoc habitis continentur et ueniunt ego me penitus deuestiens dictum decanum corporaliter inuestiui et in uerum dominium et possessionem corporalem induxi Teneor insuper et promitto sub obligatione et ypotheca bonorum meorum omnium mobilium et immobilium presentium et futurorum quecumque et ubicumque sint et erunt et per sacramentum meum pro me et meis heredibus quos ad obligo prestitum super sancta Dei euangelia corporale omnia supradicta et singula prout in uenditione et conuentionibus premissis continentur et ueniunt garantire dicto decano et eius heredibus perpetuo contra omnes et me pro ipso et eius heredibus semper et ubique locorum et in omni curia contra personas omnes opponere propter hoc et respondere propriis sumptibus et eos inde conseruare modis omnibus indempnes si qui calumpniatores uel contradictores apparerent quod absit et in nullo de cetero contraire per me uel per alium uerbo et facto seu consensu siue iure uel consuetudine uel modo alio qualicumque Uenditionem aut solutionem uestituram obligationem et promissionem et omnes conuentiones premissas nos Hugonius Girardus et Stephanetta liberi dicti Petri sponte prouide sine ui et metu laudamus et ratas et firmas habemus et promittimus in perpetuum habere tenere et fateri per sacramentum nostrum corporaliter super sancta Dei euangelia prestitum et in nullo contraire de cetero per nos uel per alios ratione uel occasione cure uel auerie seu minoris etatis aut modo alio qualicumque Hec eadem omnia prout diuisa sunt nos magister Hugo Constantinus dictus Mairoz et Odo fratres dicti Petri asserentes predicta omnia esse uera laudamus et rata et firma habemus et promittimus in perpetuum habere iuramento prestito corporali et in nullo de cetero contraire per nos uel per alios ratione diuisionis modo debito non facte uel porcionis integre uel competentis non habitarum seu iure uel consuetudine aut modo alio qualicumque Renuntiamus autem nos omnes et singuli predicti ex certa scientia in hoc facto exceptioni non habiti integre precii iusti et legittimi et exceptioni minoris uel deceptionis ultra dimidiam iusti precii et omni auxilio et beneficio iuris et consuetudinis etatis minoris et patrie potestatis auxilio et omnibus defensionibus exceptionibus occasionibus iuribus auxiliis et aliis quibuscumque que possent obici contra hoc instrumentum uel factum In quorum omnium memoriam et munimen presentibus litteris sigilla uirorum uenerabilium domini Amidei abbatis Sancti Stephani et domini Petri decani capelle Ducis Dyuionensis rogauimus et fecimus apponi Actum anno et mense predictis