Charter Document - 05280010

In nomine Domini amen Anno incarnationis eiusdem MCC sexagesimo secundo mense decembris ego Regina quondam soror domini Guiardi Pestot canonici capelle Ducis Dyuionensis notum facio omnibus presentes litteras inspecturis quod ego spontanea uoluntate sine ui et metu et sine qualibet circonuentione pro utilitate mea uendidi et concessi et quittaui in hereditatem perpetuam uiris uenerabilibus et religiosis abbati et conuentui Sancti Stephani Dyuionensis quatuor libras monete Dyuionensis de summa septem librarum eiusdem monete quarum eisdem abbati et conuentui alios sexaginta solidos pro remedio anime ipsius domini Guiardi et animarum antecessorum suorum in elemosinam perpetuam contuli in quibus septem libris ipsi abbas et conuentus michi sorori et heredi eiusdem domini Guiardi et meis heredibus de annuo et perpetuo redditu tenebantur ratione porcionis sue decime de Fontanis et de Sancto Martino Uendidi etiam concessi et quittaui in hereditatem perpetuam eisdem abbati et conuentui sextaria que percipiuntur et percipi debent en Bormeseal de uinis qui uenduntur ibidem cum omnibus iuribus sextariorum ipsorum et census omnes cum medietate decime uinearum inferius contentarum uidelicet uinee que fuit Puissant uinee Troaut uinee Cluniacensis uinee que fuit domini Nicholai quam tenet domina Laura quondam uxor domini Richardi Bigot que uinee site sunt retro Bormeseal item uinearum inferius contentarum sitarum in finagio de Poille uidelicet uinee abbatis et conuentus Buxerie totum censum et totam decimam uinee que fuit Ascrepoz totum censum et totam decimam uinee que fuit Hugonetti de Postella sex denarios censuales super uineam que fuit Uerdie octo denarios censuales super uineam que fuit Parisii Chambe quam Uigeria tenet octo denarios censuales et si quod plus decimarum et censuum habeo uel habere possum et debeo in uineis et supra uineas territoriorum et locorum omnium superius expressorum et omnia iura et omnes rationes que competebant et comtere poterant ratione dictorum censuum et dictarum decimarum in dictis uineis et erga tenentes easdem Uenditionem autem omnium predictorum feci memoratis abbati et conuentui precio sexaginta librarum monete Uiennensis et quatuordecim librarum Diuionensium de quibus summis ab eisdem abbate et conuentu plenam perfectam et integram solutionem recepi et habui in pecunia numerata et propter hoc de omnibus et singulis supradictis in presenti uenditione uenientibus et contentis ego me penitus deuestiens predictos abbatem et conuentum et ecclesiam Sancti Stephani per manum uiri uenerabilis domini Amidei abbatis ipsius ecclesie corporaliter inuestiui et in uerum dominium et possessionem corporalem ueram et perpetuam induxi Uenditionem autem solutionem et uestituram predictas ego Jacobus de Fonuens maritus dicte Regine et ego Johannes clericus eorum filius laudamus et concedimus et penitus accipiemus et eas de uoluntate nostra confitemur esse factas Insuper nos Regina Jacobus et Johannes tenemur et promittimus quilibet in solidum sub obligatione bonorum nostrorum omnium mobilium et immobilium presentium et futurorum et per sacramentum nostrum pro nobis et nostris heredibus quos ad hoc obligamus prestitum corporale supradicta omnia et singula prout in presenti uenditione continentur et ueniunt garantire dictis abbati et conuentui et eorum successoribus perpetuo contra omnes libera ab omni feodo et nos pro eis semper et ubique locorum et in omni curia contra personas omnes opponere propter hoc et respondere propriis sumptibus et eos inde conseruare modis omnibus indempnes si qui calumpniatores apparerent quod absit et in nullo de cetero per nos uel per alios uerbo uel facto seu consensu uel modo alio contraire Hec autem omnia supradicta prout diuisa sunt superius ego Haymo clericus filius dictorum Jacobi et Regine laudo et rata et firma habeo et promitto in perpetuum habere iuramento prestito corporali et in nullo de cetero per me uel per alium contraire tacite uel expresse Renuntiamus autem nos omnes et singuli supradicti quilibet in solidum et pro toto ex certa scientia per sacramentum nostrum in hoc facto exceptioni non habiti integre precii et exceptioni minoris uel deceptionis ultra dimidiam iusti precii et omni consuetudini et statuto cuiuslibet patrie et omni auxilio iuris canonici et ciuilis et omnibus auxiliis gratiis priuilegiis et iuribus in fauorem mulierum introductis et omni auerie et cuiuslibet potestatis auxilio et omnibus que possent obici contra hoc instrumentum uel factum In quorum omnium testimonium et munimen presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis supplicauimus et fecimus apponi Actum anno et mense predictis