Charter Document - 05280009
| Charter Number: | 05280009 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1262 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo ducentesimo sexagesimo secundo mense decembri ego Regina soror defuncti domini Guiardi Pestot presbiteri quondam canonici capelle Ducis Diuionensis notum facio omnibus presentes litteras inspecturis quod ego spontanea uoluntate sine ui et metu et sine aliqua circonuentione dedi concessi et quittaui in elemosinam Deo et ecclesie Sancti Stephani Diuionensis et uiris uenerabilibus et religiosis abbati et connuentui eiusdem ecclesie pro remedio et salute dicti domini Guiardi fratris mei et animarum antecessorum suorum sexaginta solidos monete Diuionensis de summa septem librarum Diuionensium in quibus ipsi abbas et conuentus michi sorori et heredi ipsius domini Guiardi et pro domino eodem Guiardo michi censualiter et perpetuo tenebantur ratione porcionis sue decime in territorio de Fontanis et de Sancto Martino et de dictis sexaginta solidis eosdem abbatem et conuentum per manum uiri uenerabilis domini Amidei abbatis ipsius ecclesie corporaliter inuestiui et ex ipsis sexaginta solidis censualibus dictos abbatem et conuentum et eorum ecclesiam quitto penitus in perpetuum et absoluo Donationem autem concessionem quittationem et elemosinam predictas ego Jacobus de Fontiuenna maritus dicte Regine laudo et uolo et approbo et eas de uoluntate mea sine ui et circonuentione qualibet confiteor esse factas Insuper nos Regina et Jacobus predicti tenemur sub obligatione bonorum nostrorum omnium mobilium et immobilium presentium et futurorum et per sacramentum nostrum pro nobis et nostris heredibus quos ad hoc obligamus prestitum corporale portare dictis abbati et conuentui et ecclesie Sancti Stephani super elemosinam predictam liberam ab omni feodo perpetuo garantiam et nos pro eis semper et ubique locorum et in omni curia contra personas omnes opponere propter hoc et respondere propriis sumptibus et eos inde conseruare modis omnibus indempnes si qui calumpniatores apparerent quod absit et in nullo de cetero per nos uel per alios contraire uerbo uel facto seu consensu aut modo alio qualicumque Hec autem omnia et singula supradicta nos Aymo et Johannes filii dictorum Regine et Jacobi laudamus et rata et firma habemus et promittimus in perpetuum habere iuramento prestito corporaliter et in nullo de cetero per nos uel per alios contraire Renuntiamus autem nos et omnes et singuli supradicti quilibet in solidum et pro toto in hoc facto omni auxilio iuris canonici et ciuilis et omni consuetudini et statuto cuiuslibet patrie et omnibus gratiis auxiliis priuilegiis et iuribus in fauorem mulierum introductis et omnibus que possent obici contra hoc instrumentum uel factum In quorum omnium testimonium et munimen presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Diuionensis supplicauimus et fecimus apponi Actum anno et mense predictis