Charter Document - 05280008
| Charter Number: | 05280008 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1262 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem MCC sexagesimo secundo mense octobris ego Jaquettus Rafeneaus de Aqueductu homo ecclesie Sancti Stephani Diuionensis notum facio omnibus presentes litteras inspecturis quod a uilla Dyuionis uel aliunde domos meas uel uineas aut terras aut alias hereditates meas sitas in uilla uel finagio Aqueductus ego uel heredes mei tenere non possumus nec debemus nisi de domini abbatis Sancti Stephani Diuionensis permissione seu uoluntate processerit et nisi in uilla Aqueductus manserimus abbas sancti Stephani Diuionensis qui pro tempore fuerit terrarum domorum uinearum et aliarum hereditatum quas habeo et ego et heredes mei habere et acquirere poterimus in uilla uel finagio Aqueductus auctoritate propria et sine clamore cuiuslibet curie intrabit et intrare poterit possessionem et dominium pro sue libito uoluntatis In cuius rei testimonium presentibus litteris sigilla uirorum uuerabilium domini Mercatoris decani capelle Ducis et magistri Alberici decani Christianitatis Diuionensis supplicaui et feci apponi Actum anno et mense predictis