Charter Document - 05280005
| Charter Number: | 05280005 |
|---|---|
| Cartulary Title: | Du vol et de sa répression en Bourgogne sous l'ancien droit et Chartes de l'abbaye de Saint-Etienne de Dijon, de 1260 à 1270. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1262 |
| Date type: | Internal, A.D. |
| Resource Link(s): |
|
Charter:
In nomine domini amen Anno incarnationis eiusdem MCC sexagesimo secundo mense aprilis ego Sybilla filia quondam Andree Uarraniero existens in mea libera potestate notum facio omnibus presentes litteras inspecturis quod ego pro utilitate et necessitate mea uendidi concessi et quittaui in hereditatem perpetuam uiro uenerabili magistro Alberico decano Christianitatis Dyuionensis quicquid habebam et habere possum in quadam uoleria et in manso et pertinenciis ipsius sitis Dyuione retro sanctum Michaelem iuxta mansum ipsius decani ex una parte et iuxta domum Ebrardi lou Chapuis ex altera et inde me penitus deuestiens dictum decanum corporaliter inuestiui et de precio dicte uenditionis iusto et legittimo plenam perfectam et integram solutionem a dicto decano recepi et habui in pecunia numerata et teneor et promitto sub obligatione bonorum meorum omnium mobilium et immobilium presentium et futurorum et per sacramentum meum pro me et meis heredibus quos ad hoc obligo prestitum corporale portare dicto decani et eius heredibus super predictis superius uenditis perpetuo garantiam et me pro ipso et eius heredibus semper et ubique locorum et in omni curia contra personas omnes opponere propter hoc et respondere propriis sumptibus et eos inde conseruare modis omnibus indempnes si qui calumpniatores apparerent quod absit et in nullo de cetero per me uel per alium uerbo uel facto seu consensu uel modo alio contraire renuntians per sacramentum meum in hoc facto exceptioni non habiti precii et exceptioni minoris aut deceptionis ultra dimidiam iusti precii et omni auxilio iuris canonici uel ciuilis et omnibus auxiliis priuilegiis et defensionibus in fauorem mulierum introductis In cuius rei testimonium presentibus litteris sigilla uirorum uenerabilium domini Mercatoris decani et domini Bertrandi prepositi capelle Ducis supplicaui et feci apponi Actum anno et mense predictis