Charter Document - 05271094
| Charter Number: | 05271094 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1173 - 1180 |
| Date type: | Assigned |
| Resource Link(s): |
Reference Document for this Embedded Document |
Charter:
Petrus Dei grati Sancte Romane Ecclesie presbiter cardinalis tituli Sancti Grisogoni Apostolice Sedis legatus omnibus ad quos presentes littere peruenerint salutem in Domino Notum sit uniuersitati uestre quod Guiardus miles de Fauerna in presentia nostra constitutus libere et sine omni conditione concessit in perpetuam elemosinam abbatie Beati Stephani Dyuionensis quicquid iuris habebat et reclamabat in uilla que dicitur Quintiniacus et abbatem eiusdem ecclesie coram nobis et multis aliis de eadem elemosina inuestiuit Dux etiam Burgundie idem donum nobis presentibus laudauit et quicquid ipse habebat uel habiturus erat in eadem uilla quolibet titulo eidem abbatie in perpetuum concessit et se deffensurum promisit ut igitur hoc donum perpetuis temporibus inconcussum et firmum permaneat presenti scripto fecimus annotari et sigilli nostri impressione muniri