Charter Document - 05270099
| Charter Number: | 05270099 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1259 - 1260 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Uuillelmus dictus li Moutons de Fauuerneio miles notum facio omnibus presentes litteras inspecturis quod ego anime mee saluti prouidere cupiens totam minutam decimam de Maigneio super Tylam quam de alodio proprio decidebam et tenebam uidelicet agnorum porcorum uitulorum pullorum canabi fabarum pisorum et alterius cuiuscumque leguminis nec non et omnium aliorum cuiuscumque speciei existant ad dictam decimam pertinentium laude et assensu Mahaudis uxoris mee dedi et concessi in puram et perpetuam elemosinam Deo Beati Stephani Diuionensis in perpetuum possidendam in qua ecclesia meam eligo sepulturam de qua decima me penitus deuestiens predictam ecclesiam corporaliter inuestiui et in uerum dominium perpetuamque possessionem misi et super me et omnia bona mea iuramentoque corporaliter prestito promisi et promitto dictam donationem predicte ecclesie contra omnes deffendere et in perpetuum garantire Hanc autem elemosinam superius expressam ego Robertus filius dicti Uuillelmi uolo laudo benigniter et concedo et ratam ac firmam habeo promittens nichilominus per sacramentum corporaliter prestitum quod contra predictam elemosinam uel donationem eiusdem per me uel per alium non ueniam de cetero nec uenire per alium faciam aut permittam preterea nos Uuillelmus et Robertus filius eius predicti considerantes deuotionem quam ecclesia memorata nunc habet et habuit ab antiquo erga nos predecessores nostros fidelitatem eiusdem ecclesie iurauimus super sancta Dei euuangelia nec non et promisimus eandem quamdiu uixerimus obseruare hec autem omnia et singula prout superius sunt expressa iurauimus et promisimus interposito iuramento fideliter ac inuiolabiliter obseruare nos et heredes nostros ad obseruationem omnium predictorum specialiter obligantes In cuius rei testismonium presentibus litteris sigilla uenerabilium uirorum domini Mercatoris decani capelle Ducis et magistri Alberici decani Christianitatis Dyuionensis nos Uuillermus Mahaudis uxor eius et Robertus predicti fecimus et rogauimus apponi et ego Uuillelmus predictus presentibus litteris sigillum meum apposui una cum sigillis predictis in testimonium predictorum Actum anno Domini millesimo ducentesimo quinquagesimo nono mense februari